Саба балалар сәнгать мәктәбенең фортепиано классында укучылар өчен «Солдатка шатлыкның бер өлеше» исемле чара оештырылды.
Балалар хәрби хезмәттә булган ир-егетләр өчен үз куллары белән «Игелекле йөрәкләр» дигән талисманнар ясады. Алар матур теләкләр әйтелгән сәлам хаты язды. Бу хакта «Саба таңнары» сайтында хәбәр ителә.
«Махсус операция кысаларында хәрби бурычын үтәүче солдатлар өчен балалар куллары белән ясалган кул эшләре аларга балаларның самими җылы хисләрен барып ирештерер, исән-сау кайтырга илһамландырыр», диелгән хәбәрдә.
Чараның икенче өлешендә балалар чәй табыны артында сыйланды.
