Ленар Нургаянов Әгерҗе районы Башкарма комитеты җитәкчесе вазифаларын башкаручы итеп билгеләнде. Бүген район советы сессиясендә Татарстан Республикасы Дәүләт Советы Рәисе Фәрит Мөхәммәтшин аның кандидатурасын тәкъдим итте.
«Татарстан Президенты Рөстәм Миңнеханов исеменнән район Башкарма комитеты җитәкчесе вазифаларын башкаручы буларак Ленар Нургаянов кандидатурасын күрсәтәм», – диде Мөхәммәтшин.
Район һәм шәһәр советы депутатлары Нургаянов кандидатурасын бертавыштан хуплады. «Депутатлар корпусына, Фәрит Хәйрулла улына, Татарстан Президентына ышаныч һәм ярдәм күрсәткәннәре өчен рәхмәт белдерәм», – диде Нургаянов.
Элегрәк район советы сессиясендә Алабуга районы Башкарма комитетының элеккеге җитәкчесе Ленар Нургаяновның икътисади мәсьәләләр буенча Әгерҗе районы Башкарма комитеты җитәкчесе урынбасары итеп билгеләнүе турында мәгълүм булган иде.
