12 гыйнварда Уфада авырудан соң 84 яшендә физика-математика фәннәре кандидаты, профессор, Башкортстанның атказанган халык мәгарифе хезмәткәре, РФ югары һөнәри белем бирү өлкәсендә мактаулы хезмәткәре Алмас Акманов вафат булды. Бу хакта «Башинформ» агентлыгы хәбәр итә.
Алмас Акмановның укыту-методик һәм фәнни эшчәнлеге радиофизика, лазерлар физикасы белән бәйле иде. Ул Башкортстан дәүләт университетының физика факультетында «Радиофизика» белгечлеген формалаштыруга һәм үстерүгә зур өлеш кертә.
Алмас Акманов үзәк һәм чит ил басмаларында 30дан артык фәнни хезмәт бастырып чыгарган, уйлап табулар өчен ике авторлык таныклыгын алган шәхес.