Россия саклану министры Сергей Шойгу Генераль штаб җитәкчесе Валерий Герасимовны Берләшкән гаскәрләр төркеме командующие итеп билгеләде. Бу хакта Саклану министрлыгы хәбәр итә.
Аның урынбасарлары итеп Һава-космик көчләр баш җитәкчесе армия генералы Сергей Суровикин, Коры җир гаскәрләренең баш җитәкчесе армия генералы Олег Салюков, шулай ук РФ Кораллы Көчләренең Генераль штабы башлыгы урынбасары генерал-полковник Алексей Ким билгеләнде.
«Махсус хәрби операциянең җитәкчелек дәрәҗәсен күтәрү аны уздыру барышында хәл ителә торган мәсьәләләр масштабын киңәйтү, Кораллы Көчләр гаскәрләре төрләре арасында тагын да ныграк хезмәттәшлек оештыру зарурлыгы, шулай ук гаскәрләр группировкалары белән идарә итүнең барлык төрләренең сыйфатын һәм нәтиҗәлелеген күтәрү белән бәйле», – диелә Россия Саклану министрлыгының рәсми телеграм-каналында.
