Кукмара районы башлыгы Сергей Димитриев, район ветераннар Советы рәисе Валентин Иванов Бөек Ватан сугышы ветераннарының өйләрендә булып, хәл-әхвәлләрен белеште, Өлкәннәр көне белән тәбрикләде һәм аларга азык-төлек җыелмасы тапшырды.
Районда биш сугыш ветераны гомер итә. Бу хакта «Хезмәт даны» сайтында хәбәр ителә.
«Без сезнең белән чиксез горурланабыз, батырлыгыгыз, ил азатлыгы өчен куйган хезмәтегезгә зур рәхмәтебезне белдерәбез. Алга таба да саулык-сәламәтлек, иминлек телим», - диде район башлыгы Сергей Димитриев.
Ветераннар, үз чиратларында, район җитәкчелегенә даими ярдәмнәре өчен рәхмәт белдерде.