Россия Премьер-министры Михаил Мишустин инструкциядә күрсәтелмәгән характеристика буенча дару препаратларын кулланырга мөмкин булган авырулар исемлеген раслады. Бу карар 29 июньдә үз көченә керә.
Исемлектә авыруларның һәм халәтнең 21 төркеме, шул исәптән шешләр, кан, сулыш органнары авырулары һәм эндокрин система, үсеш һәм хромосома тайпылышлары, COVID-19, нерв системасы авырулары, паллиатив ярдәм таләп ителгән халәт кертелгән. Бу турыда «Российская газета» хәбәр итә.
Инструкциядән тыш кабул ителә торган препаратлар башка дозада, башка күрсәтмәләр буенча кулланылырга яки пациентларның күбрәк яшь төркемнәренә билгеләнергә мөмкин, диделәр Сәламәтлек саклау министрлыгында.
