Россия Банкы системада техник эшләр башкарылуы турында кисәтте. Шул сәбәпле, Үзәк банкның түләү системасы сервисларында һәм Финанс хәбәрләрен тапшыру системасында операцияләрне эшкәрткән вакытта тоткарлыклар күзәтелергә мөмкин. Россия Банкының матбугат хезмәте шул турыда хәбәр итә.
«Кайбер операцияләр акрынрак башкарылырга мөмкин яки аларны соңрак кабатларга туры киләчәк», – дип аңлаттылар Үзәк банкта.
Шул ук вакытта гражданнарның барлык акчалары да саклана. Банк гадәти эш режимына кайтуы турында соңрак хәбәр итәчәк.
