(Казан, 21 март, «Татар-информ»). Әгәр дә Meta оешмасын Россиядә тыелган дип танысалар, Facebook һәм Instagram кулланучыларын бу социаль челтәрләрне блоклауны читләтеп үтү омтылышлары аркасында җәза бирелмәячәк. «Кешеләр Meta продуктларыннан файдаланган өчен генә җаваплылыкка тартылмаячак», — диде Мәскәүнең Тверь судында Генераль прокуратура вәкиле. Бу хакта РИА Новости хәбәр итә. Аның сүзләренчә, Роскомнадзорның блоклавына карамастан, әлеге социаль челтәрләрдән файдалануның техник мөмкинлеге һаман да бар һәм «бу социаль челтәрләрдә аккаунтлары булган гражданнар күп».
