(Казан, 21 сентябрь, «Татар-информ»). Татарстан Президенты Рөстәм Миңнеханов «Позитив Текнолоджиз» АҖ генераль директоры Юрий Максимов белән очрашты. Алар Кazan Digital Week 2021 халыкара форумы мәйданчыгында хезмәттәшлек мәсьәләләре, шул исәптән кибериминлек турында фикер алышты. Республика җитәкчесенең матбугат хезмәте хәбәр иткәнчә, Татарстан Президенты кибериминлекнең мөһимлеген ассызыклады һәм аңа аерым игътибар бирергә кирәклеген әйтте. Элегрәк Татарстан Министрлар Кабинеты белән компания республикада цифрлы икътисадның иминлеген тәэмин итүгә юнәлдерелгән килешү төзегән иде. Ул 2021 елның июнендә Петербург халыкара икътисади форумында имзаланды.
