(Казан, 21 июль, «Татар-информ»). Россиядә паспортта никахны теркәү һәм 14 яшькә кадәрге балалар турындагы тамганы теләк буенча куячаклар. Бу карарны Россия Премьер-министры Михаил Мишустин имзалады.
Билгеләп үтелгәнчә, РФ гражданы паспортында аның яшәү урыны буенча теркәлүе һәм теркәлүдән төшүе, шулай ук 18 яшькә җиткән гражданнарның хәрби бурычлары турында тамга куела. Бу турыда «Спутник» радиосы хәбәр итә.
«Гражданин теләге буенча паспортта никахны теркәү һәм аерылышу, 14 яшькәчә җиткән балалар, элеккеге паспорт мәгълүматлары, Россия территориясеннән читтә Россия гражданины шәхесен ачыклаучы гамәлдәге документ, кан төркеме һәм резус-фактор, салым түләүченең идентификация номеры турында мәгълүмат языла», диелгән документта.
