(Казан, 15 июль, «Татар-информ»). Татарстанда коронавирус инфекциясеннән 3 үлем очрагы теркәлгән. Бу хакта ТР Сәламәтлек саклау министрлыгы матбугат хезмәте хәбәр итә.
Коронавирустан үлгәннәрнең берсе ир-ат — ул 1957 елда туган һәм 1933 һәм 1961 елларда туган тагын ике хатын-кыз бар.
Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән.
Мәрхүмнәрнең туганнары һәм якыннарының кайгыларын уртаклашабыз.
15 нче июльгә республикада барлыгы 575 үлем очрагы теркәлгән.
