(Казан, 27 июнь, «Татар-информ»). Татарстанда соңгы 40 елда 2021 елның июне иң эссе ай булды. Бу хакта КФУның атмосфера метеорологиясе, климатологиясе һәм экология кафедрасы мөдире, профессор Юрий Переведенцев сүзләренә сылтама белән югары уку йорты матбугат хезмәте хәбәр итә.
«Көндез һава торышы якынча 34 градуска кадәр күтәрелә. Уртача тәүлеклек температура нормадан якынча 8-9 градуска югары. Хәзер бездә корылык. Бу айда бары тик 20 мм гына явым-төшем яуды, ә ул 63 мм булырга тиеш», — дип аңлатты метеоролог. 1981 елның июнендә дә бу кадәр үк эссе булмаган.
Галим сүзләренчә, мондый һава шартлары Россиянең Европа өлеше территориясендәге антициклон белән бәйле, диде Переведенцев.
