(Казан, 21 июнь, «Татар-информ»). 26-27 июньдә Кемерово шәһәрендә Кузбассның 300 еллыгына багышланган Халыкара шахтерлар Сабан туе узачак. Бәйрәмгә Россиянең 21 төбәгеннән һәм чит илләрдән 250 делегат килүе көтелә. Бу турыда Бөтендөнья татар конгрессы матбугат хезмәте хәбәр итә. Сабан туе программасына иҗат коллективларының концерт чыгышлары, милли көрәш, милли ишегаллары хуҗалыклары күргәзмәләре, кунаклар өчен конкурслар, ат чабышлары һәм башкалар кертелгән, диелә хәбәрдә.
