(Казан, 20 апрель, «Татар-информ»). Түбән Кама 23 апрельдә «Китапханәдә төн — 2021» бөтенроссия акциясенә кушыла. Акция үткәрелә башлауга быел 10 ел була. Быел әлеге чара «Заман» уку һәм аралашу үзәгендә, шәһәрнең үзәк китапханәләрендә уза. Программа алты яшьтән өлкәнрәкләр өчен төзелгән, Миша һәм Маша исемле мультфильм геройлары белән бергә кунаклар интеллектуаль уеннарда катнашачак, экспериментлар ясаячак, фокуслар күрсәтәчәк. Бу турыда Түбән Кама муниципаль районы рәсми сайты нда хәбәр ителә. Өлкәнрәк балаларга да күңелсез булмаячак: алар робототехника, космонавтика серләренә төшенә алачак. Шулай ук «Нәрсә? Кайда? Кайчан?» уенында, брейн-рингта, төрле биюләрдә катнашып булачак.
