(Казан, 3 март, «Татар-информ», Рузилә Мөхәммәтова). Татарстан Язучылар берлеге рәислегенә кандидатлар Рафис Корбан белән Вахит Имамов Язучылар берлеге рәисе була алмаячакларын әйтте. «Мин „самоотвод“ алам. Анда Ркаил Зәйдулланы сайларга тәкъдим итәм», — диде Рафис Корбан. Ул аның программасын уңай бәяләде. Вахит Имамов ТР Дәүләт Советында татар язучылары күбрәк булырга тиешлеген әйтте. «Язучы депутатларыбыз күбрәк булса, сайлау мөмкинлегебез дә артыр иде», — диде ул.
