(Казан, 9 февраль, «Татар-информ»). Россия фәне көнендә Уфада А.З.Вәлиди исемендәге Милли китапханәдә «Башкортстан халыклары фольклоры» энциклопедиясен тәкъдим итү булды. «Башинформ» хәбәр итүенчә, чарада энциклопедистлар, галимнәр, китапханә хезмәткәрләре катнашкан. «Башкорт энциклопедиясе» нәшрияты исеменнен учреждение директоры урынбасары Рания Хәсәнова, гыйльми сәркатип Клара Әһлиуллина чыгыш ясый. Алар басманың бурычлары, аның структурасы һәм эчтәлеге турында сөйли. Презентациядә катнашучыларга сәламләү сүзе белән А.З. Вәлиди исемендәге Милли китапханә директоры Юлдаш Ураксин мөрәҗәгать итә. Ул «Башкортстан халыклары фольклоры» энциклопедиясе Урал-Идел буе төбәгендә фольклористика өлкәсендә махсуслаштырылган беренче басмаларның берсе булуын искәртте, диелә хәбәрдә.