(Чирмешән, 30 сентябрь, «Татар-информ», «Безнең Чирмешән» , Кадрия Гамирова). Чирмешәннең үзәк мәчетендә бер бүлмәне балалар үзәге итеп үзгәртәләр. Биредә җиһазлар урнаштырасы гына калган. Бу турыда район басмасы хәбәр итә. Октябрь башында монда мәктәп укучылары өчен дини укулар, дини тәрбия дәресләре башлана. Укулар ял көннәрендә уздырылачак, теләге булган малайларны, кызларны мәчеттә көтеп калалар. Дүрт төркем булачак. Укырга теләүчеләр мәчеткә мөрәҗәгать итә ала.