(Казан, 16 сентябрь, «Татар-информ»). Татарстан Президенты Рөстәм Миңнеханов Торак-коммуналь хуҗалыкны реформалауга ярдәм фонды генераль директоры Константин Цицин белән очрашты. Алар күп фатирлы торак йортларны капиталь ремонтлау, шулай ук төзелеш өлкәсендә башка актуаль мәсьәләләр турында фикер алыштылар. Бу турыда республика җитәкчесенең матбугат хезмәте хәбәр итә.
Татарстан Президенты Константин Цицинга Татарстан Республикасы дәүләт бүләге — «ТАССРның 100 еллыгы» медален тапшырды.
Торак-коммуналь хуҗалыкны реформалауга ярдәм фонды җитәкчесе Татарстанның социаль –икътисади потенциалын ныгытуга өлеш керткән өчен бүләкләнде.
