(Казан, 11 сентябрь, «Татар-информ»). Чаллыда өч машина бәрелешкән авариядә «Ока» машинасы пассажиры зыян күргән. Бу хакта «Татар-информ»га шаһитлар хәбәр итте.
«Лада Калина», «Ока» һәм «Форд Фокус» иртәнге сәгать тугызынчыда Тынычлык һәм Халыклар дуслыгы проспектлары чатында бәрелешкән.
Шаһитлар сүзенә караганда, «Калина» светофорга җиткәндә тормозга баскан, ә аның артыннан бара торган машиналар дистанцияне сакламаган. «Ока»ның сиксән яшьләр тирәсендәге пассажирына зыян килгән. Руль артында аның ире, шулай ук олы яшьтәге кеше була.
«Әбинең башы җәрәхәтләнгән, муенына да зыян килгән кебек. Аны ашыгыч ярдәм машинасына алып киттеләр», — дип сөйләде шаһитлар.
