(Казан, 16 июль, «Татар-информ», Полина Шевчук). Казанга керү юлында йөк машинасы һәм «БМВ» бәрелешкән, юлда җитди бөке барлыкка килгән. «Татар-информ»га һәлакәт урыныннан видеоязманы вакыйга шаһитлары җибәрде. Шаһитлар сүзенә караганда, бүген көндезге сәгать икеләрдә республиканың Биектау районында Казаннан чыкканда авария булган. Биредә «БМВ» һәм «МАЗ» йөк машинасы бәрелешкән. Зур йөк машинасы бәрелүдән каршы як юлга чыгып киткән һәм барлык хәрәкәт полосаларын да диярлек туктаткан. Һәлакәт аркасында әлеге юл кишәрлегендә ике якка да җитди бөке барлыкка килде. Автомобиль йөртүчеләргә шәһәргә чыгу яки керү өчен шактый вакыт уздырырга туры киләчәк. Юл-транспорт һәлакәтенең сәбәпләре ачыклана.
