Марат Җәббаров: Көзге культуралар яхшы хәлдә дип бәяләнә
(Казан, 21 апрель, «Татар-информ», Гөлнар Гарифуллина). Көзге культуралар яхшы хәлдә дип бәяләнә. Татарстан Премьер-министры урынбасары — авыл хуҗалыгы һәм азык-төлек министры Марат Җәббаров ТР Министрлар Кабинетында онлайн брифингта шулай дип хәбәр итте.
Аның сүзләренчә, һәлак булган культуралар якынча 7 мең гектар тәшкил итәргә мөмкин. Бу барлык мәйданның 1,5 процентын тәшкил итә.
Көздән уҗым культуралары 494 мең га мәйданда чәчеп калдырылган, шуның 370 мең гектары — уҗым бодае, 121 мең га — көзге арыш.
Марат Җәббаров әйтүенчә, 2020 елга диелгән көзге культураларның 62,2 мең гектары (2,1 процент) иминиятләштерелгән.