Росреестр хезмәткәрләре банкротлык процедурасы буенча сорауларга җавап бирә
(Казан, 21 февраль, «Татар-информ»). Киләсе чәршәмбедә, 26 февральдә, Казанда Росреестрның Татарстан буенча идарәсе хезмәткәрләре кайнар линия буенча шәһәрлеләрнең физик һәм юридик затлар банкротлык процедурасына кагылышлы сорауларына җавап бирәчәк. Бу хакта Татарстан башкаласы мэриясе матбугат хезмәте хәбәр итә.
Казан халкы процедураның нидән гыйбарәт булуын, кем һәм ничек банкрот була алуын, әлеге эшне нәрсәдән башларга икәнен һәм башка бик күп нәрсәләрне белә алачак.
Кайнар линия 10.00 сәгатьтән 12.00 сәгатькә кадәр +7(843)255-25-71 телефоны буенча эшләячәк.