(Казан, 17 декабрь, «Татар-информ», Алексей Новиков). Казан үзәгендә җиңел автомобильгә тагылган чанада утырган Кыш бабайны туктаттылар. Социаль челтәрләрдән файдаланучылар кадрлар белән уртаклашты.
Видеода «Кольцо» сәүдә үзәге янында ЮХИДИ хезмәткәрләре зур чана тагылган автомобильне туктаткан, ә чанада Кыш Бабай киемендәге ир-ат утырган.
Хокук бозучыларга барлыгы 13 мең 500 сумлык штраф салынды.