Новости за 13.04.2026

Казан федераль университетының Филология һәм мәдәниятара багланышлар институтында Габдулла Тукайның туган көне уңаеннан «Рухият» түгәрәгенә йөрүче студентлар берничә чара оештыра. Быелгы программа бөек шагыйрь белән беррәттән, аның якын дусты, күренекле язучы һәм публицист Фатих Әмирханның 140 еллык юбилеена да багышлана. Бу хакта КФУның татар әдәбияты кафедрасы доценты, әдәбият галиме Гөлфия Гайнуллина хәбәр итте.

28 апрельдә Әлмәт районына «Җиңү паровозы» киләчәк. Бу хакта район башлыгының матбугат хезмәте хәбәр итә.

Дөньякүләм «Туган тел» җыены кысаларында Татарстан Фәннәр академиясендә тантаналы ачылыш һәм фәнни-методик программа оештырылачак. Бөтендөнья татар конгрессының милли мәгариф, мәдәният һәм спорт комитеты җитәкчесе Сөләйман Рәхимов чараның үзенчәлекләре һәм укытучылар өчен әзерләнгән яңалыклар турында сөйләде.

Бүген Татарстан Рәисе Рөстәм Миңнеханов Казан (Идел буе) федераль университетының Каһирәдәге филиалында булды. ТР Рәисе җитәкчелегендәге делегациядә шулай ук Татарстан мөселманнары Диния нәзарәте рәисе, мөфти Камил хәзрәт Сәмигуллин һәм башка рәсми затлар да бар иде, дип хәбәр итә ТР Диния нәзарәте матбугат хезмәте.

Татарстан Республикасы Фәннәр академиясе Сбер белән берлектә милли телләр өчен ясалма фәһем технологияләрен үстерү эшенең мөһим этабын тәмамлады: ГигаЧат нейрочелтәр моделе татар телен үзләштерде, дип хәбәр ителә ТР Фәннәр академиясенең MAX каналында.

Дәүләт Думасындагы Татарстаннан биш депутат 2026 елның гыйнварыннан апреленә кадәр үткәрелгән тикшеренү нәтиҗәләре буенча иң файдалы йөз парламентарий исемлегенә кергән. Нәтиҗәләр «Депутат клуб» сайтында чыккан.

Татарстан Рәисе Рөстәм Миңнеханов Каһирәгә визиты барышында Зур Мисыр музеенда булды, анда ул фиргавен Тутанхамонның күмелгәндәге алтын битлеген карады. Бу хакта MAX мессенджерындагы каналында ТР Рәисе матбугат хезмәте җитәкчесе Лилия Галимова хәбәр итте.

15-17 апрель көннәрендә Казанда дөньякүләм «Туган тел» җыены узачак. Чарада 800дән артык кешенең катнашуы көтелә. Бу хакта Бөтендөнья татар конгрессы Башкарма комитеты җитәкчесе Данис Шакиров матбугат очрашуында хәбәр итте.

Күренекле язучы, «Мәдәни җомга» газетасының элекке баш мөхәррире Вахит Имамов Гаяз Исхакыйның тууына 150 ел тулуны тантаналы рәвештә билгеләп үтәргә кирәк, дигән. Бу хакта ул Чистайның туган авылы Яуширмәдә Гаяз Исхакыйга багышланган түгәрәк өстәл утырышында чыгышында әйткән.

16 апрель 14:00 сәгатьтә Татарстан Милли китапханәсендә Габдулла Тукайның тууына 140 ел тулу уңаеннан уздырылган «Тукай йолдызлыгы» әдәби әсәрләр бәйгесе җиңүчеләрен бүләкләү тантанасы була. Бу хакта ТР Язучылар берлеге матбугат хезмәте хәбәр итә.

Казанда 15-17 апрель көннәрендә Бөтендөнья «Туган тел» җыены узачак. Татарстан Республикасында, шулай ук чит илләрдә, Россия төбәкләрендә татар телен саклау, өйрәнү һәм үстерү өчен шартлар тудыруга юнәлдерелгән иң зур чараларның берсе. Бу хакта Бөтендөнья татар конгрессы матбугат хезмәте хәбәр итә.

Спорт министрлыгы футбол буенча Россия чемпионатында легионерларга лимитны катгыйландыру проектын әзерләде. Рәсми документ норматив хокукый актлар проектларының федераль порталында басылып чыкты.

17 апрельдә Казан Ратушасында «Ислам сәнгате» күргәзмәсе ачылачак. Шәһәрлеләргә Музейлар комплексы җыелмасыннан ике йөздән артык экспонат тәкъдим итәчәкләр. Һәр табыш мөселман мәдәниятен, татар халкының тарихын һәм тормышын чагылдыра. Бу хакта Казан мэриясе матбугат хезмәте хәбәр итә.

Кичә Санкт-Петербургта Шелгунов исемендәге мәдәният йортында Питер татар театрының «Кызлар карый ярыктан» дип аталган спектакленең премьерасы булды. Бу хакта Бөтендөнья татар конгрессы матбугат хезмәте хәбәр итә.

«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.

Татарстанда 35 яшькә кадәрге 35,5 меңнән артык кеше эшмәкәрлек белән шөгыльләнә, дип хәбәр иттеләр ТР Икътисад министрлыгында. Алар төбәктәге шәхси эшмәкәрләрнең өчтән берен диярлек тәшкил итә. Татарстан яшь шәхси эшмәкәрләр саны буенча Россия субъектлары арасында бишенче урында тора.

Татарстан Рәисе Рөстәм Миңнеханов Каһирәдә татар фәлсәфәчесе – дин белгече Муса Бигиев каберен зиярәт кылды. Бу хакта ТР Рәисе матбугат хезмәте җитәкчесе Лилия Галимова хәбәр итте.

Җәмәгать эшлеклесе Сурия Усманова Чистайның Яуширмә авылында Гаяз Исхакыйга багышланган түгәрәк өстәл утырышында «Гаяз Исхакый әдәби мирасын пропагандалау, халыкка якынайту юлында яңа мөмкинлекләр» темасына доклад белән чыгыш ясаган. Татар тарихын, әдәби, мәдәни мирасны таныту буенча берничә мәгърифәтчелек проектын тәкъдим иткән.

26 апрельдә Сургутта бөек татар шагыйре Габдулла Тукайның 140 еллыгына багышланган чара була. Бәйрәм «Тукай исән: 140 ел – йөрәкләрдә» дип исемләнгән. Бу хакта Сургут татарлары милли-мәдәни автономиясе ВКонтакте социаль челтәрендәге төркемендә хәбәр итә.

Хәзер Казанда шәһәр күләмендә үткәрелә торган өмәгә «Минем Казан» порталы аша язылырга була. Әлеге платформада эшли башлаган махсус бүлек, җыештыру өчен йорт янында уңайлы урын сайлау, теркәлү, чистарту җайланмалары булу-булмавы турында белү һәм электрон почта аша искә төшерү хәбәрнамәсе алу мөмкинлеген бирә. Бу хакта бүген аппарат киңәшмәсендә Тышкы төзекләндерү комитеты рәисе Альберт Шәйнуров сөйләде.

Аксубай районы Үзәк мәчетендә бөек татар шагыйре Габдулла Тукайның тууына 140 ел тулуга багышлап балалар арасында Тукай шигырьләрен сәнгатьле уку бәйгесе узды. Әлеге чараны Аксубай мөхтәсибәте Дәүләт теркәве, кадастр һәм картография федераль хезмәтенең Татарстан Республикасы буенча идарәсенең Аксубай һәм Яңа Чишмә районнары буенча муниципальара бүлеге башлыгы, Бөтендөнья татар конгрессының Аксубай районы бүлекчәсе җитәкчесе Лилия Сәхабетдинова белән берлектә оештырды.

ТР Дәүләт Советының мактаулы рәисе, ТР Волейбол федерациясе президенты Фәрит Мөхәммәтшин «Динамо-Ак барс» хатын-кызлар волейбол клубы җитәкчелеге, тренерлары һәм уенчылары адресына Россия чемпионатында җиңүләре белән котлау телеграммасы юллады. Бу хакта ТР Дәүләт Советы матбугат хезмәте хәбәр итә.

Бөгелмәнең «Хәтер» Сугышчан Дан Залында махсус хәрби операциядә катнашучыларга дәүләт бүләкләре тапшыру тантанасы булды.

Мәскәү янындагы Переделкино бистәсендә беренче тапкыр татар тәрҗемә резиденциясе оештырылды. Аның эше 14 апрельгә кадәр дәвам итәчәк. Беренче татар тәрҗемә резиденциясе тәрҗемәчеләрне, язучыларны һәм галимнәрне берләштерү, танылган авторларның әлегә кадәр билгеле булмаган кызыклы әсәрләрен укучыларга җиткерү максатыннан оештырыла. Бу хакта Бөтендөнья татар конгрессы матбугат хезмәте хәбәр итә.

Раис Татарстана Рустам Минниханов посетил филиал КФУ в Каире, где проходят обучение студенты-медики. Об этом сообщила руководитель пресс-службы Раиса РТ Лилия Галимова.