Новости за 13.03.2026

Гадәттән тыш хәлләр министрлыгында Татарстан халкын 14 мартта төнлә һәм иртән көтелә торган томан вакытында куркынычсызлык кагыйдәләре турында искәрттеләр.

«Адымнар» мәктәбендә КФУның Филология һәм мәдәниятара багланышлар институты белән берлектә беренче тапкыр «Еники укулары» конференциясе узды.

Татарстан Рәисе Рөстәм Миңнеханов Табигатьтән файдалану өлкәсендә федераль күзәтчелек хезмәте (Росприроднадзор) җитәкчесе Светлана Радионова белән очрашты. Бу хакта ТР Рәисе матбугат хезмәте хәбәр итә.

15 мартта 12:00 сәгатьтән Татарстандагы Яшел Үзән – Түбән Карамалы һәм Аракчино – Югары Ослан боз кичүләре үз эшләрен туктата, дип хәбәр иттеләр «Татар-информ»га Россия Гадәттән тыш хәлләр министрлыгының ТР буенча Баш идарәсендә.

Габдулла Тукай тууына 140 ел тулу уңаеннан республикада башланган «Тукайны бергәләп укыйбыз» проекты кысаларында Арча районы китапханәләрендә очрашулар уза. Бу хакта «Арча хәбәрләре» хәбәр итә.

Татарстан Рәисе Рөстәм Миңнеханов Kazan Digital Week – 2026 халыкара форумын әзерләү һәм уздыру буенча оештыру комитеты утырышында катнашты. Бу хакта ТР Рәисе матбугат хезмәте хәбәр итә.

Булачак пенсия лаеклы дәрәҗәдә булсын өчен рәсми («ак») хезмәт хакы алырга кирәк. Бу хакта «Татар-информ»га икътисад фәннәре кандидаты Михаил Беляев сөйләде.

«Гадел Россия» партиясе рәисе Сергей Миронов Дәүләт Думасына балалар өчен алиментларның минималь күләмен төбәк яшәү минимумыннан түбән булмаган дәрәҗәдә билгели торган закон проектын кертергә ниятли. Бу хакта ТАСС хәбәр итә.

Бүген Иннополиста Россия Табигатьтән файдалану өлкәсендә федераль күзәтчелек хезмәте Идел-Кама төбәкара идарәсенең узган елгы эш йомгаклары буенча киңәйтелгән киңәшмәсе кысаларында экологик контроль һәм калдыклар белән эш итү өлкәсендәге төп технологик һәм гамәли карарларга багышланган күргәзмә уза. Күргәзмәдә Татарстан Рәисе Рөстәм Миңнеханов булды.

Azur Air рейсы Вьетнамның Фукуок утравыннан Казанга көчле җил аркасында тоткарлана, дип хәбәр итә авиакомпаниянең матбугат хезмәте.

Татарстанда MAX мессенджерында белем бирү учреждениеләренең 1,3 меңнән артык рәсми каналы булдырылды. Бу хакта ТР Министрлар Кабинетында узган брифингта ТР Мәгариф һәм фән министрының беренче урынбасары Рәмис Мөҗипов хәбәр итте.

Казанда Җырчы Җәкәү йорты дип йөртелүче Яков Емельянов исемендәге мәдәни үзәктә Әлмәт керәшеннәренең «Кәләем» ансамбле «Кәләй керәшеннәрен лә килә күрәселәрем» дип аталган концерты булды. Программа иҗат коллективының 50 еллык юбилеена багышланды һәм анда ансамбльның иҗатташ дуслары да катнашты. Һәвәскәр артистларны фольклорчы-галим, этномузыка белгече, Нәҗип Җиһанов исемендәге Казан дәүләт консерваториясе доценты Геннадий Макаров та котлады һәм фикерләрен әйтте.

Россия Транспорт министрлыгы самолетларга 100 миллилитрдан артык күләмдәге контейнерларда балалар ризыгы һәм ана сөте алырга рөхсәт итәчәк. Бу хакта РИА Новости хәбәр итте.

Татарстан Сәламәтлек саклау министрлыгының баш инфекционисты Халит Хаертынов, С гепатиты озакка сузылса, төрле органнарга зыян салу ихтималлыгы турында кисәтте. Бу хакта ул «Татар-информ» мәгълүмат аентлыгында матбугат очрашуында сөйләде.

Казандагы Җырчы Җәкәү йортында Татарстан керәшеннәре үзләренең культураларын, йолаларын, милли мирасларын даими рәвештә күрсәтеп, төрледән-төрле мәдәни чаралар үткәреп тора.

Заместитель премьер-министра Таиланда Пхипхат Ратчакитпракан заявил, что страна готова приступить к переговорам с Россией о поставках сырой нефти. Об этом сообщает РИА Новости.

Таиланд премьер-министры урынбасары Пхипхат Ратчакитпракан белдергәнчә, ил Россия белән нефть китерү турында сөйләшүләргә керешергә әзер. Бу хакта РИА Новости хәбәр итә.

Лаеш районы Нармонка авыл җирлегенең Татар Сараланы авылы волонтерлары махсус хәрби операциядә катнашучыларга гуманитар ярдәмнең зур партиясен әзерләп җибәргән. Ике ай ярым эчендә авылда яшәүче биш хатын-кыз 500 килограмм токмач әзерләгән.

Эчке эшләр министрлыгында һәлак булган яки хәбәрсез югалган солдатларның туганнарына юнәлдерелгән хәрби хезмәткәрләрнең гаиләләрен алдауның яңа схемасы турында кисәттеләр. Бу хакта ТАСС РФ Эчке эшләр министрлыгының мәгълүмати-коммуникацион технологияләрне хокукка каршы куллануга каршы көрәшне оештыру идарәсенә сылтама белән яза.

Казанда Татарстан Республикасы Дәүләт сынлы сәнгать музеен һәм В.И.Качалов исемендәге Казан академия рус зур драма театрын берләштергән бөтенроссия «Театр сәнгате төне» акциясе башлана. Проект өч мөһим вакыйгага: Бөтендөнья театр көненә, Россия Театр эшлеклеләре берлегенең 150 еллыгына һәм Качалов исемендәге театрның 235 еллыгына багышлана. Бу хакта Казан мэриясе хәбәр итә.

Россия Президенты Владимир Путин Татарстаннан өч кешегә дәүләт бүләкләре бирү турындагы указга кул куйды. Документ хокукый мәгълүматның рәсми порталында бастырылган.

Telegram 1 апрельдән Русиядә эшләүдән туктарга мөмкин. Белгечләр моның ихтималы зур дип саный. Telegram-ны актив кулланучы татар-башкорт активистлары, бу мессенжерда акча эшләргә тырышучы блогерлар нишләргә җыенуын сораштык.

Россия Федерациясенең Кызыл китабына яки конкрет төбәкнең Кызыл китабына кертелгән үсемлекләр яки махсус сакланучы табигый территорияләрдә үскән үсемлекләр өзелгәндә юридик җаваплылык каралган. Бу хакта Мәскәү адвокатлар коллегиясе әгъзасы Павел Воропаев «Радио 1» белән әңгәмәдә искә төшерде.

Режим беспилотной угрозы в Казани, Елабуге, Зеленодольске и Нижнекамске отменён, сообщает официальное приложение МЧС России.

Казанда, Алабугада, Яшел Үзәндә һәм Түбән Камада пилотсыз янау режимы гамәлдән чыгарылды, дип хәбәр итә Россия гадәттән тыш хәлләр министрлыгының рәсми кушымтасы.