Новости за 05.03.2026

Пенсия алды яшендәге гражданнар өчен ташламалар күләме һәм исемлеге төбәк хакимиятләре тарафыннан билгеләнә, ул бюджет мөмкинлекләренә һәм җирле традицияләргә бәйле. Депутат, Дәүләт Думасының хезмәт комитеты әгъзасы Светлана Бессараб «Татар-информ» агентлыгы белән әңгәмәсендә шул хакта искәртте.

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев коллегия утырышында «Татар-информ» мәгълүмат агентлыгы уңышларын билгеләп узды.

Казанның Апанай мәдрәсәсендә журналистлар өчен ифтар оештырылды. Мәҗлескә республика, шәһәр гаммәви мәгълүмат чараларында хезмәт куючы, матбугат хезмәтләрендә эшләүче каләм әһелләре чакырылган иде.

Татарстанда һәм Киров өлкәсендә махсус хәрби операциядә катнашучыларга карата мошенниклыкта шикләнелгән җиде кешене тоткарлаганнар. Бу хакта Россия Эчке эшләр министрлыгының рәсми вәкиле Ирина Волк хәбәр итте.

Узган 2025 елда Татарстан гаммәви мәгълүмат чараларында террорчылыкны кисәтү максатларында 12,5 мең материал дөнья күргән. 2024 елда 3 мең материал чыккан булган.

2027 елда россиялеләрнең банк карталары бердәм реестры булдырылачак. Бу хакта РИА Новости агентлыгы Россия Банкы рәисе Эльвира Нәбиуллинага сылтама белән хәбәр итә.

Татарстанда гыйнвар һәм февраль айларында каршы як полосага чыгу аркасында килеп чыккан юл-транспорт һәлакәтләрендә 21 кешенең гомере өзелгән, дип хәбәр иттеләр ТР Дәүләт автоинспекциясендә.

Татарстанда 1 апрельдән «Алдынгылар хәрәкәте» остазлары бәйгесенә гариза тапшыру кампаниясе башлана. 200 җиңүче өчен приз - Кырымга остазлар слетына бару - каралган. Бу хакта «Татар-информ» агентлыгына оешманың республика бүлеге матбугат хезмәтендә хәбәр иттеләр.

До конца мая в Татарстане проведут олимпиады по русскому и татарскому языку для иностранных студентов. Об этом «Татар-информу» рассказал президент «Лиги студентов РТ» Шамиль Якупов.

Татарстанда май ахырына кадәр чит ил студентлары өчен рус һәм татар теленнән олимпиадалар узачак. «ТР Студентлар лигасы» президенты Шамил Якупов «Татар-информ» агентлыгына шулай дип белдерде.

11-17 сентябрьдә Екатеринбургта Халыкара яшьләр фестивале узачак. Хәзер Татарстан делегациясен формалаштыру этабы бара, анда теләгән һәркем керә ала. ТР Иҗади яшьләр академиясе президенты Алена Бакирова «Татар-информ» агентлыгында узган матбугат конференциясендә шулай дип белдерде.

Казан шәһәре Дәүләт автоинспекциясе хезмәткәрләре 8 Март уңаеннан хатын-кыз машина йөтүчеләргә чәчәкләр бүләк итте.

Татарстанда нәсел агачын төзүгә карата кызыксыну елдан-ел арта. 2025 елда гына да ТР Дәүләт архивына 3 меңнән артык генеалогик сорау килгән. ТР Дәүләт комитетының архив документларыннан фәнни файдалану һәм халыкара элемтәләр бүлеге башлыгы Айсылу Галиева «Татар-информ»да узган матбугат очрашуында шәҗәрә төзүне нидән башлау һәм архивлар белән ничек эшләү хакында сөйләде.

Быел Татарстанда республиканың эшләүче яшьләре арасында «Зирәкләр һәм тапкырлар клубы» форматындагы турнирны яңадан үткәрә башларга ниятлиләр. ТР яшьләр эшләре министры Азат Кадыйров «Татар-информ» агентлыгында узган матбугат конференциясендә шул хакта хәбәр итте.

Казанский ЦУМ готовится к открытию в последних числах марта. Как сообщил Ранко Тепавчевич из «Дирекции спортивных и социальных проектов», в течение ближайших двух недель здание получит финальные разрешительные документы.

Казанның Үзәк универмагы мартның соңгы көннәрендә ачылачак. Бу хакта «Миллиард.Татар» порталы яза.

8-10 мартта Казанда «Җиңү поезды» экспозициясе эшләячәк, анда Бөек Ватан сугышы образлары белән бәйле инсталляцияләр тәкъдим ителгән. ТР яшьләр эшләре министры Азат Кадыйров «Татар-информ» агентлыгында узган матбугат конференциясендә шул хакта хәбәр итте.

Казанның Совет районы суды «Татарстан Республикасы флоты»ның сервис бүлеге җитәкчесе Әхмәт Хаҗиевны ришвәт бирүдә арадашчылык иткән өчен кулга алды.

Барлык кыенлыкларга да карамастан, Татарстан узган ел икътисади үсешне тәэмин итә алды, ә икътисади үсешкә һәм инвестицион климатка эшкуарлар бергәлегенең суд системасына ышаныч дәрәҗәсе йогынты ясый. Бу хакта Татарстан Республикасы Рәисе Рөстәм Миңнеханов 2025 елда республика Арбитраж суды эше нәтиҗәләре буенча киңәйтелгән киңәшмәдә белдерде.

2026 елның 13 мартында «Казан Экспо» Халыкара күргәзмәләр үзәгендә Татарстанда Рамазанның иң көтеп алынган вакыйгаларның берсе – 14 нче Республикакүләм ифтар узачак. Бу хакта ТР Диния нәзарәте матбугат хезмәте хәбәр итә.

Былтыр Габдрафыйков Этнологик тикшеренүләр институтындагы эшеннән алынды. Ул моны үзенең гыйльми эшчәнлеге белән бәйләде һәм мәхкәмәгә шикаять итте.

Россия Президенты Владимир Путин РФ Хөкүмәтенә гражданлык-хокукый килешүләр кысаларында үзмәшгуль гражданнар өчен штрафлар кертү һәм кирәк булганда аны чикләү практикасын өйрәнергә кушты. Бу хакта Кремль сайтында хәбәр ителә.

Алтай крае «Дулкын» Татар мәдәнияте үзәге» иҗтимагый оешмасы әдәби программа үткәрде. Чара язучы һәм публицист Фатих Әмирханның тууына 140 ел тулуга һәм шагыйрь Һади Такташның тууына 125 ел тулуга багышланган иде. Очрашуда авторлар әсәрләреннән өзекләр һәм аерым шигырьләр яңгырады. Музыкаль номерларны «Дуслар» ансамбле тәкъдим итте. Бу хакта Бөтендөнья татар конгрессы матбугат хезмәте хәбәр итә.

Казан, Мөслим, Нурлат, Әгерҗе, Менделеевск һәм Арчадагы мәктәп медиаүзәкләре беренче «Ялкын» патриотик фестиваленә гаризалар тапшырган. Презентацияләрне кабул итү февральдә башланды. Фестиваль өч этапта узачак: 15 мартка кадәр гаризалар кабул ителә, аннары март дәвамында эшләрне бәялиләр һәм финалистлар исемлеген төзиләр. Йомгаклау этабы 2026 елның апрелендә узачак.

Стратегик инициативалар агентлыгы (АСИ) «Беренчеләр хәрәкәте», «Белем» җәмгыяте һәм РАНХиГС белән берлектә мәктәп программалары өчен махсус модульләр эшләүгә керешә. Алар укучыларда хезмәт культурасын формалаштыруга юнәлдереләчәк. Бу хакта Стратегик инициативалар агентлыгының «Яшь профессионаллар» юнәлеше директоры Александр Вайно хәбәр итте, дип яза «ТАСС».