Новости за 13.01.2026

2026 елда Әлмәттә «Безнең ишегалды» республика программасы кысаларында 24 йорт яны территориясе капиталь яңартылачак. Хәзерге вакытта проектны гамәлгә ашыруга әзерлек бара. Эшләр юл-төзелеш сезоны башлану белән үткәрелә башлаячак.

Менделеевск шәһәрендә ике бала һәлак булганнан соң «Таткоммунэнерго» компаниясенең ике хезмәткәрен кулга алганнар.

Татарстанда 2026 елда тагын 100 почта бүлекчәсен модернизацияләргә планлаштыралар Татарстанда 2026 елда тагын 100 почта бүлеген модернизацияләргә ниятлиләр. Беренче чиратта авыл җирлекләрендәге бүлекләр яңартылачак. Бу хакта республиканың цифрлы үсеш министры Илья Начвин хәбәр итте.

Яңа ел төнендә Казан гаилә үзәге янындагы һәм Черек күл паркындагы ачык мәйданчыкларга 55 мең кеше килгән. Бу хакта ТР Министрлар Кабинетында узган брифингта шәһәр башкарма комитеты җитәкчесенең социаль мәсьәләләр буенча урынбасары Азат Абзалов хәбәр итте.

ТР Дәүләт Советы Рәисе Фәрит Мөхәммәтшин журналистлардан Россиянең яңа төбәкләренә, махсус хәрби операция катнашучыларына һәм аларның гаиләләренә ярдәм итү чараларын һәм Татарстанда хәрби һәм хезмәт батырлыгы елына бәйле вакыйгаларны актив яктыртуларын сорады. Бу хакта ул Россия матбугаты көне уңаеннан федераль һәм төбәк массакүләм мәгълүмат чаралары вәкилләре белән очрашуда белдерде.

Татарстанда Яңа ел бәйрәмнәрендә, 29 декабрьдән 11 гыйнварга кадәр, алкоголь һәм спиртлы эчемлекләр белән агулануның 12 очрагы теркәлгән. Бу хакта Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе матбугат хезмәте хәбәр итә.

Татарстан Россиянең иң күп пенсионерлар яши торган төбәкләре арасына кергән. Республикада 1,1 миллионга якын пенсия алучы яши. Бу хакта рәсми статистик мәгълүматларны анализлау нәтиҗәләре буенча РИА Новости хәбәр итә.

Россиядә яңа җиңел автомобильнең уртача бәясе 10 процентка – 3,48 млн сумга кадәр арткан. Мондый саннарны 2025 елның декабре нәтиҗәләре буенча уздырылган «Автостат Оперативка» матбугат конференциясе вакытында атадылар.

Кышкы каникул чорында Татарстаннан 7 меңгә якын бала лагерьләрдә ял иткән. Бу хакта ТР Министрлар Кабинетында узган брифингта ТР яшьләр эшләре министры Азат Кадыйров хәбәр итте.

Казанда яшәүче пенсионер хатын-кыз мошенниклар корбаны булган. Бу хакта Россия Эчке эшләр министрлыгының Казан буенча идарәсе матбугат хезмәте хәбәр итте.

Татарстанда Яңа ел бәйрәмнәре чорында төрле учреждениеләрдә 8 меңнән артык тематик чара узган. Бу хакта ТР Министрлар Кабинетында узган брифингта ТР вице-премьеры Ләйлә Фазлыева хәбәр итте.

Татарстанда Яңа ел бәйрәмнәре вакытында алты кеше, пиротехник эшләнмәләр кулланганда иминлек кагыйдәләрен бозу сәбәпле, күз җәрәхәтләре алган. Бу хакта ТР Министрлар Кабинетында узган брифингта Россия Гадәттән тыш хәлләр министрлыгының ТР буенча баш идарәсе башлыгы урынбасары Максим Трущин хәбәр итте.

Казанда 15 гыйнварда РФ Тикшерү комитетының ТР буенча тикшерү идарәсе коллегиясен әзерләү һәм уздыру сәбәпле, Вахитов районының кайбер урамнарында транспорт хәрәкәтен өлешчә чикләячәкләр.

14 гыйнварда Татарстан нефтенең 60 еллыгы исемендәге шәһәр паркы ачык һавадагы театр мәйданчыгына әвереләчәк. Биредә «Күрше» кышкы республика фестивале кысаларында Әлмәтнең «Җиңел канатлар» иҗат коллективы «Әбием әкиятләре» урам спектаклен тәкъдим итәчәк.

Татарстанда тотрыклы һәм нәтиҗәле медиасистема оешкан. Бу хакта ТР Дәүләт Советы Рәисе Фәрит Мөхәммәтшин Россия матбугаты көне уңаеннан федераль һәм төбәк массакүләм мәгълүмат чаралары вәкилләре белән очрашуда белдерде.

Татарстанның төбәк әһәмиятендәге автомобиль юлларында хәзерге вакытта 414 берәмлек кар чистарту техникасы эшли. Төнлә юлларны 256 машина чистарткан. Бу хакта ТР Транспорт министрлыгы матбугат хезмәтендә хәбәр иттеләр.

Аңа Русия Административ хокук бозулар кодексының «экстремистик материаллар җитештерү һәм тарату» һәм «Русия Кораллы Көчләрен дискредитацияләү» маддәләре нигезендә эш ачылган.

Татарстанда «Гаилә» илкүләм проекты кысаларында 2026 елда гомуми финанслау күләме 1,94 млрд сум булган 30 объект төзү һәм капиталь ремонтлау планлаштырыла. Бу хакта Татарстан Республикасы Төзелеш министрлыгы хәбәр итә.

Дәүләт Думасы вице-спикеры Борис Чернышов мәктәпләрдә сыйныф җитәкчесе вазыйфасын үзгәртергә – аларга остаз статусын беркетергә һәм предмет йөкләнешеннән азат итәргә тәкъдим итте. Депутат РФ мәгариф министры Сергей Кравцовка һәм РФ Хезмәт министры Антон Котяковка тиешле мөрәҗәгатьләр юллады. Бу хакта «Российская газета» хәбәр итә.

Татарстан Республикасы вәкиле Светлана Ганиева 6 февральдә Ливан башкаласы Бәйрут шәһәрендә узачак «Мисс Европа 2026» дәрәҗәле конкурсының финалында катнашачак.

Татарстан Республикасы буенча эчке эшләр министры урынбасары итеп Денис Дзьоник билгеләнде. Ул гражданлык һәм чит ил гражданнарын теркәү мәсьәләләре белән җитәкчелек итәчәк. Аны билгеләү турындагы указга Владимир Путин кул куйды.

Самараның «Бердәмлек» газетасында Әлфия Таишеваның «Без истә тотачакбыз, димәк, сез яшәячәксез» дигән язмасы чыкты.

Россия Журналистлар берлеге мәгариф, мәдәният һәм сәламәтлек саклау тармакларында гамәлдә булган инициативаларга охшаш «Земство журналисты» программасын булдырырга тәкъдим итте. Бу хакта Россия Журналистлар берлеге рәисе Владимир Соловьев хәбәр итте.

Ватанны саклаучылар көне алдыннан Кукмараның «Кукмара сугышчан туганлыгы» хәрби хәрәкәтләр ветераннары иҗтимагый хәрәкәте волонтерлары хәрбиләргә гуманитар ярдәм җыю буенча акция башлап җибәрде. Яңа ел посылкаларын җибәргәннән соң ук активистлар яңа йөк формалаштыра башлады – инде 23 февральгә.

Росздравнадзор Яңа ел бәйрәмнәре вакытында яңа туган балаларның үлеме турындагы хәбәрләрдән соң Новокузнецк бала тудыру йортында медицина ярдәмен оештыруны тикшерә башлады. Бу хакта ведомствода хәбәр итәләр.