Новости за 16.12.2024

Бөтендөнья татар конгрессы сайтында Тубылдан Римма Умитбаеваның «Сәүдәгәр-меценат Туктасын Әйтмөхәммәтов акчасына салынган мәчет янында мәгълүмат тактасы куелды» дигән язмасы чыкты.

Яңа ел чараларын әзерләү һәм уздыру сәбәпле Казанның кайбер урамнары буйлап транспорт хәрәкәтен чикләячәкләр. Кремль урамының участогы бер айга якын ябылачак. Бу турыда Казан мэриясе хәбәр итте.

Азнакай районының Әгерҗе авылында күптән көтелгән вакыйга – яңа фельдшер-акушерлык пункты (ФАП) ачылды. Бу авыл халкы өчен чын Яңа ел бүләге булды. Ачылу тантанасында район башлыгы урынбасары Роза Галиева һәм Азнакай үзәк район хастаханәсенең медицина бүлеге буенча баш табиб урынбасары Олег Косоногов чыгыш ясады. Бу хакта «Азнакай» сайтында Зөлфия Газизуллина хәбәр итә.

Ульяновск өлкәсенең «Өмет» газетасында Рузия Хәлимованың «Уңган, булган һәм җилдән җитез әбиләр» дигән язмасы чыкты.

Махсус хәрби операциядә катнашкан 8 кеше истәлегенә Чистайда мемориаль такталар куйдылар. Аларны хәрбиләр тәмамлаган мәктәп диварларына урнаштырдылар. Алар барысы да хәрби бурычларын үтәгәндә һәлак булган һәм үлгәннән соң Батырлык ордены белән бүләкләнгән. Бу хакта «Чистай-информ» хәбрә итә.

Буа район хакимияте бинасы фоесында район башлыгы Ранис Камартдинов һәм оешма - предприятия җитәкчеләре «Теләкләр чыршысы» дигән акция кысаларында Яңа ел алдыннан төрле сәбәпләр аркасында авыр хәлдәге гаиләләрдә тәрбияләнүче балаларга ярдәм йөзеннән әлеге чарада катнашты. Бу хакта «Байрак» сайтында хәбәр ителә.

20 ел элек декабрьдә Башкортстның Балговещенски шәһәрендә республика эчке эшләр министрлыгының "профилактик чарасы" оештырыла. Күпчелек журналистлар һәм хокук яклаучылар аны "җәзалау чарасы" дип атый. Бер сәбәпсез ОМОН хезмәткәрләре йөзләгән гади халыкны тоткарлый, кыйный һәм мыскыллый. Ул вакыттагы милиция хезмәткәрләренә карата мәхкәмә эшләре биш елдан артык дәвам итә. Нигездә шартлы хөкем карарлары чыгарыла. "Idel.Реалии" 20 ел элек булган вакыйгаларны искә алды. Азатлык Радиосы аны татар телендә бирә. Читать дальше...