Татарстанда татар телен мәҗбүри укыту мәсьәләсен референдумга чыгару тәкъдиме күтәрелгәннән соң Idel.Реалии Татарстан Дәүләт шурасының һәм Русия Дәүләт Думасының элекке депутаты, Бөтентатар иҗтимагый үзәгенең элекке рәис-координаторы, "Татар телен саклау һәм үстерү програмы"н әзерләүчеләрнең берсе Фәндәс Сафиуллин белән сөйләште. Референдум тәкъдиме турында фикер алышуларда нәкъ менә аның исеме дә телгә алына.
