Türkmenistan Özbegistandan 1,5 müň tonna ýer hozuny import etdi

Türkmenistan geçen ýyl Özbegistandan ýer hozuny (arahis) import etmekde öňe saýlanan döwletleriň biri boldy diýip, “Türkmenportal” resmi maglumata salgylanyphabar berýär.


Özbegistanyň prezidentiniň ýanyndaky Statistika agentliginiň maglumatyna görä, Özbegistanyň geçen ýyl eksport eden ýer hozunyň 9,7 göterimi türkmen bazaryna ýerleşdirildi.


Şeýlelikde, Türkmenistan bu döwürde goňşy ýurtdan iň köp ýer hozuny satyn alan dördünji döwlet bolup, 1429 tonna ýer hozuny import etdi.


Bu önümi import etmekde Türkmenistandan diňe Pakistan (4,08 müň tonna), Azerbaýjan (1,58 müň tonna) we Russiýa (1,57 müň tonna) öňde barýar.


Habarda Özbegistanyň geçen ýyl 14,5 müň tonna, umumy bahasy 22,3 million amerikan dollaryna durýan ýer hozuny eksport edendigi bellenýär.