Özbek prezidentiniň aýaly Türkmenistanyň prezidentiniň ejesini Daşkende çagyrdy
9-njy noýabrda özbek paýtagtynda “Merkezi Aziýada howanyň üýtgemegi ugrunda çagalaryň we ýaşlaryň hereketi” atly halkara forum geçirilýär.
Şol bir wagtda, çakylygyň prezident Serdar Berdimuhamedowyň aýalyna däl-de, ejesine ýollanmagynyň sebäpleri aýdyňlaşdyrylmaýar.
Soňky 16 ýyldan gowrak wagtyň dowamynda Türkmenistanda Berdimuhamedowlaryň şahsyýet kulty we maşgala kulty üznüksiz berkidilýär. Soňky ýyldan bäri ýurtda Ogulgerek Berdimuhamedowanyň hem propagandasy giňden ýaýbaňlanýar.
Dünýäniň iň ýapyk we repressiw ýurtlarynyň biri hasaplanylýan Türkmenistanyň hökümeti adam hukuklaryny depelemekde, söz-metbugat azatlygyny bogmakda we beýleki esasy azatlyklary berk çäklendirmekde ýyllarboýy tankyt edilýär.