Gyrgyz prezidentiniň garyndaşynyň tussaglyk möhleti uzaldyldy

Bişkek kazyýeti 2-nji awgustda prezident Sadyr Žaparowyň doganoglanynyň ogly Ulan Žaparowyň deslapky tussaglyk möhletini azyndan 26-njy sentýabra çenli uzaltmak kararyny çykardy.


Ulan Žaparow iýul aýynyň başynda, Gyrgyzystanyň gümrük düzgüni bilen baglanyşyklydygy aýdylýan korrupsiýa aýyplamalary esasynda tussag edildi.


Žaparow geçen hepde telewideniýede beren interwýusynda hiç kimiň kanundan ýokarda durmaýandygyny we "para bilen baglanyşykly" bolan islendik adamyň jogapkärçilige çekilmelidigini aýtdy.


Şol bir wagtda, prezidentiň 32 ýaşly garyndaşynyň anyk nämede aýyplanýandygy entek belli däl.