Baýden "Azat dünýäni" Putine garşy durmaga çagyrar
Baýden bu ýerde etjek çykyşynda "azat dünýäniň" Russiýanyň Ukraina esassyz çozmagyna garşy durýandygyny we esasy ykdysadyýetleriň Wladimir Putini togtatmak zerurlygy meselesinde birleşendigini nygtar diýip, Ak tam aýtdy.
Baýden G7, Ýewropa Geňeşi we NATO ýaranlary bilen üç gün adatdan daşary duşuşyk geçirdi we Polşadaky ABŞ goşunlary bilen görüşdi.
Milli howpsuzlyk boýunça geňeşçi Jeýk Salliwan Baýdeniň çykyşynyň “häzirki pursatdaky stawkalary, öňde duran wezipeleriň gaýragoýulgusyzlygyny, Ukrainadaky konfliktiň dünýä ähmiýetini we azat dünýäniň rus agressiýasynyň öňünde agzybirligi we aýgytlylygy saklamagynyň näme sebäpden beýle wajypdygyny“ öz içine aljakdygyny aýtdy.
Şeýle-de, Salliwan 25-nji martda žurnalistlere Baýdeniň Waşingtona dolanmak üçin uçara münmezinden öň “bu konfliktiň mazmuny we taryhy, onuň bu ýerden nirä barýandygy barada edýän pikirleri" barada hem gürrüň etjekdigini aýtdy.