ABŞ-nyň öňki prezidenti Donald Tramp, işinden aýrylandan soň ilkinji gezek 28-nji fewralda syýasy sahna gaýdyp geldi we Respublikan partiýanyň aýrylmaz lideri statusyny berkitmäge synanyşdy.
Tramp prezident Jo Baýdeniň ýanwar aýynda işe başlaly bäri eden ilkinji möhüm çykyşynda 2024-nji ýylda gaýtadan prezidentlige dalaşgär boljakdygyna yşarat etdi we üçünji partiýa döretmekçi bolýandygy baradaky myş-myşlardan boýun gaçyrdy.
“Men siziň tarapyňyzda söweşmegi dowam etdirerin. Täze partiýalaryň düýbüni tutmaýarys"-diýip, Tramp Florida ştatynyň Orlando şäherinde geçirilen Konserwatiw syýasy hereket konferensiýasynda (CPAC) aýtdy.
“Bizde Respublikan partiýa bar. Ol öňküsi ýaly güýçli we jebisleşer "-diýdi.
Tramp 3-nji noýabrdaky saýlawda çeken ýitgisini ret etmegini dowam etdirdi we Baýdeni birnäçe meselede günäkärledi.
"Jo Baýden ilkinji aýy soňky taryhdaky ähli prezidentleriň arasynda iň aýylganç boldy" -diýip Tramp aýtdy.
Ozalky prezidentlerden tapawutlylykda, Tramp syýasy äheňde çykyş etmekden we mirasdüşerini tankytlamak niýetinden el çekmejegini duýdurdy.
Ak tam Trampyň çykyşyna kän bir ähmiýet bermejekdigini mälim etdi.