Türkmenistanyň oba hojalyk ministriniň ozalky orunbasary Saparmyrat Yklymowyň youtube kanalynda çap eden gysgajyk wideosýužetinde suw basan oba görkezilýär, türkmençe gürleýän adamlaryň sesleri eşidilýär.
Wideonyň aşagyndaky ýazga görä, bu waka Lebap welaýatynyň Kerki etrabynda ýerleşýän Garametnyýaz we Niçka obalarynda bolup, obalar Garagum kanalynyň joşmagy netijesinde suw astynda galypdyr.
Türkmenistanyň resmi habar serişdeleri, hökümeti tebigy hadysalar, adam ýitgileri, maddy ýitgiler hakynda maglumat bermeýär.
Azatlyk radiosy bu maglumaty başga, garaşsyz çeşmeler arkaly tassyklap bilmedi.