ABŞ-nyň Ýewropada Howpsuzlyk we Hyzmatdaşlyk Guramasyndaky hemişelik wekili Maýkl Karpenter 27-nji sentýabrda, Polşanyň paýtagty Warşawada adam ölçegleri boýunça geçirilen maslahatda eden çykyşynda, Türkmenistanda mart aýynda geçirilen prezident saýlawlarynyň ne azat, ne adalatly, ne-de bäsleşikli bolandygyny aýtdy we häkimiýetiň dinastiýa arkaly atadan ogla geçirilmegini tankyt etdi.
Türkmenistanyň Garaşsyzlyk güni mynasybetli geçirilen at çapyşygynda bir çapyksuwar öldi. 28-nji sentýabrda Aşgabatda bolan bu pajygaly waka barada garaşsyz “Turkmen.news” neşiri habar berdi.
Hepdäniň esasy temalaryna gysgaça synymyzy; Türkmenistanda adam hukuklarynyň ‘üýtgemeýän’ ýagdaýy, adam hukuklaryny goraýjylaryň türkmen resmileri bilen gurjak bolýan dialogy, aktiwistleriň täze nesli we olara garşy gurnalýan ‘hapa’ hüjümler baradaky gepleşigimizi diňläp, öz pikir-garaýyşlaryňyzy aýtmaga çagyrýarys. Eger-de gepleşige ‘laýk’ goýsaňyz we ony paýlaşsaňyz, Türkmenistanda ýapyk saklanylýan meseleleriň has köp adama ýetmegine we çözülmegine kömek ederdiňiz.
“Türkmenistan” awikompaniýasy oktýabr aýynda Türkmenistan bilen Belarusyň arasynda yzygiderli halkara uçar gatnawlaryny açar diýip, “Türkmenportal” Minsk milli howa menziliniň metbugat gullugyna salgylanyp ýazýar. Habarda aýdylmagyna görä, uçuşlar 1-nji oktýabrdan yzygiderli tertipde amala aşyrylyp başlanar. “Boeing 737-800” uçarlary şenbe güni Aşgabat - Minsk - Türkmenabat aralygynda uçuşlary amala aşyrar, Aşgabatdan uçýan uçarlar Minska barar, Belarusyň paýtagtyndan uçan uçarlar Türkmenabat şäherine gonar diýip... Читать дальше...
Baş örtüsini nädogry geýendigi üçin ahlak polisiýasy tarapyndan tussag edilenden soň ýogalan ýaş zenan sebäpli başlanan anti-hökümet protestleri, gozgalaňa garşy görülýän gazaply çäreleriň has berkidiljekdigi barada berlen resmi duýduryşa garamazdan, tutuş ýurda ýaýramagyny dowam etdirýär. Öten agşam sosial ulgamlarda çap edilen wideolardan görnüşine görä, Eýranyň Töwriz, Najafabad, Yspyhan, Tähran, Maşat, Sanandaj we Urmiýa ýaly azyndan alty şäherinde demonstrasiýalar we nägilelik ýörişleri geçirildi. Читать дальше...
Janyndan geçen hüjümçiniň 30-njy sentýabrda Owganystanyň paýtagtyndaky şaýy mähellesiniň bilim merkezinde amala aşyran bomba partlamasynda 19 adam ölüp, 27 adam ýaralandy diýip, Kabul polisiýasynyň “Talyban” tarapyndan bellenen sözçüsi aýtdy. Şaýatlar pidalaryň köpüsiniň okuwçy gyzlar bolandygyny aýtdylar. Esasan şaýy azlygyndan bolan hazaralaryň ýaşaýan Daşti Barçi mähellesindäki merkeziň içinde gurnalan partlama ir sagatlarda amala aşyryldy diýip, polisiýa başlygynyň metbugat wekili Halid Zadran aýtdy. Читать дальше...
