Moskwadaky meýdança sowetleriň tarapyna geçen britan içalysynyň ady dakyldy
Bu baradaky degişli karara Moskwanyň häkimi Sergeý Sobýanin gol goýdy.
Bu martda Angliýanyň Salisbury şäherinde ozalky rus içalysynyň we onuň gyzynyň zäherlenmegi sebäpli Britaniýa bilen Russiýanyň arasyndaky gatnaşyklaryň dartgynlaşmagynyň fonunda bolup geçýär.
Britaniýa we Günbataryň aglaba döwletleri Sergeý we Ýuliýa Skripallary Russiýanyň zäherländigini aýdýarlar. Moskwa bu aýyplamalary ret edip gelýär.
Filby Britaniýanyň Sowuk Urşy döwründäki iň uly haýyny hökmünde häsiýetlendirilýär. Ol 1940-njy ýylda Britaniýanyň MI6 gizlin gullugynyň aňtaw bölüminde işe başlap, kontrarazwedka bölüminiň başlygy wezipesine çenli ýetmegi başarypdy.
Filby 30 ýyl töweregi Moskwany maglumatlar bilen üpjün edenden soň, 1963-nji ýylda Sowet Soýuzyna sygynypdy. Ol Russiýanyň paýtagtynda tä ölýänçä, 1988-nji ýyla çenli ýaşady.