Tramp Eýranyň sanksiýalaryň ykdysady 'agyrysyny' gowşatmaga synanyşmagyna garaşýar
“Men olaryň köp problemasynyň bardygyny we olaryň ykdysadyýetiniň ýumrulýandygyny bilýärin. Emma meniň aýtmakçy bolýan zadym, olar belli bir ýagdaýda ýüzlenip, 'geliň ylalaşaly', diýseler biz ylalaşyk taparys. Olar häzir uly ejir çekýärler" diýip, Tramp 12-nji iýulda Brusselde geçirilen metbugat konferensiýasynda aýtdy.
Tramp we onuň döwlet sekretary Mike Pompeo Belgiýanyň paýtagtynda geçirilen NATO-nyň sammitine gatnaşyp, ABŞ-nyň sanksiýalaryny goldamaga we Eýrana ykdysady zarbany güýçlendirmäge çagyryp, Ýewropadaky ýaranlaryna basyş etdiler. Sanksiýalar 4-nji noýabrda güýje girýär.