Kreml Putin-Tramp sammitinde Krymyň maslahat edilmejekdigini aýdýar
2014-nji ýylda Russiýa Ukrainanyň Krym ýarymadasyny basyp alypdy.
Putin bilen ABŞ-nyň prezidenti Donald Tramp 16-njy iýulda Helsinkide duşuşmaly.
Moskwa bilen Waşingtonyň gatnaşyklary Russiýanyň Krymy basyp almagy, Siriýadaky we Ukrainanyň gündogaryndaky konfliktlerdäki roly, ABŞ-nyň prezidentlik saýlawlaryna gatyşandygy baradaky aýyplamalar sebäpli, dartgynlaşypdy.
Kremliň sözçüsi Dmitriý Peskow: “Putin Krymyň Russiýanyň aýrylmaz bölegidigini, şeýle-de bu baradaky meseläniň hiç haçan gün tertibine getirilmejekdigini ençeme gezek aýdypdy we düşündiripdi” diýip, çykyş etdi.