Gürjüstanyň premýer-ministri hökümete garşy guralan we paýtagt Tbilisini çaýkan tagyrlaýyn protestlerden soň işden çekildi.
Giorgi Kwirikaşwili bu beýanaty 13-nji iýunda, dolandyryjy Gürjüstan arzuwy partiýasynyň lideri, tütjar baý Bidzina Iwanişwili bilen “ylalaşmazlyga” salgylanyp etdi.
"Meniň pikirimçe, indi partiýa liderine täze hökümet düzmek üçin mümkinçilik bermeli pursat geldi” diýip, ol özüniň telewideniýede berlen beýanatynda aýtdy.
50 ýaşyndaky Kwirikaşwili 2015-nji ýylyň dekabryndan bäri premýer-ministr bolup işledi. Ol bu weizpä Gürjüstanyň arzuwy partiýasynyň agzalarynyň agdyklyk edýän parlament köplügi tarapyndan hödürlendi.
Kwirikaşwiliniň işden çekilmek karary tutuş hökümetiň işden çekilmegine itergi berýär.
