Бозиҳои даври 17-уми мусобиқоти қаҳрамонии футболи Тоҷикистон миёни дастаҳои лигаи олӣ рӯзҳои 12-13-уми август баргузор шуданд. Ду бозӣ бегоҳи шанбе ва се бозии дигар бегоҳи якшанбе доир гардиданд.
12-уми август «Ҳосилот» –и Фархор дар майдони худ «Кӯктош»-и Рӯдакиро бо ҳисоби 3:1 шикаст дод. «Эсхата»-и Хуҷанд бар тими меҳмон - «Хатлон»-и Бохтар - бо ҳисоби 1:0 ғалаба кард.
Се бозии дигари даври 17-ум рӯзи 13-уми август доир гардид. «Истиқлол»-и Душанбе дар варзишгоҳи «Нефтяник»-и ноҳияи Рӯдакӣ «Файзканд»-и Восеъро бо ҳисоби 2:1 шикаст дод. Инчунин «Равшан»-и Кӯлоб дар майдони худ КМВА (Клуби марказии варзишӣ)-и Душанберо бо ҳисоби 1:0 мағлуб намуд. Бозии «Регар-ТадАЗ»-и Турсунзода бо дастаи меҳмон - «Хуҷанд»-и Хуҷанд - бо ҳисоби 0:0 хотима ёфт.
Дар ҳамин ҳол дар ҷадвали мусобиқот «Истиқлол» бо роҳбарии сармураббӣ Игор Черевченко бо касби 36 имтиёз аз 16 бозӣ дар мақоми аввал аст.
«Кӯктош»-и ноҳияи Рӯдакӣ (сармураббиаш Аҳлиддин Турдиев), ки баъди 17 бозӣ 29 имтиёз гирифтааст, дар мақоми дувум қарор дорад. «Равшан»-и Кӯлоб (сармураббиаш Тоҳир Муъминов), ки аз 17 бозӣ 28 имтиёз дорад, мақоми севумро соҳиб шудааст.
Бозиҳои даври 18-уми мусобиқоти лигаи олӣ рӯзҳои 17-19-уми август баргузор мешаванд.
То хотимаи давраи дувуми мусобиқоти қаҳрамонии Тоҷикистон-2023 миёни дастаҳои лигаи олӣ як даври дигар мондааст. Аз рӯи натоиҷи бозиҳои даври 18-ум таркиби ду гурӯҳи иштироккунандаи ҳмарҳилаи ниҳоии мусобиқот муайян хоҳад шуд.
Аллакай чаҳор дастаи беҳтарини ширкаткунандаи гурӯҳи «А» маълум аст. Инҳо дастаҳои «Истиқлол», «Кӯктош», «Равшан» ва «Эсхата» мебошанд. Боз як дастаи гурӯҳи аввалро даври 18-ум муайян хоҳад кард.
Мусобиқоти қаҳрамонии Тоҷикистон-2023
Лигаи олӣ. Даври 17-ум
«Ҳосилот» – «Кӯктош» – 3:1
Голҳо: Азизбек Султонов, 18 (0:1). Нонга Франк Микаэл, 33 (1:1). Сулаймон Собиров, 56 – ба дарвозаи худ (2:1). Абдухалил Боронов, 83 (3:1).
12 август. Фархор. Варзишгоҳи марказӣ. 6000 тамошобин.
«Эсхата» – «Хатлон» – 1:0
Гол: Иброҳим Эшонхонов, 17.
12 август. Хуҷанд. Варзишгоҳи «Спартак». 1000 тамошобин.
«Файзканд» – «Истиқлол» – 1:2
Голҳо: Ҳамадонӣ Камолов, 42 (0:1). Содиқҷон Қурбонов, 45 (0:2). Франсуа Энеге, 58 (1:2).
13 август. Рӯдакӣ. Варзишгоҳи «Нефтяник». 850 тамошобин.
«Равшан» – КМВА – 1:0
Гол: Холмурод Назаров, 72.
13 август. Кӯлоб. Варзишгоҳи марказӣ. 8000 тамошобин.
«Регар-ТадАЗ» – «Хуҷанд» – 1:1
Голҳо: Фирӯз Қараев, 26 (1:0). Азизбек Ҳаитов, 41 (1:1).
13 август. Турсунзода. Варзишгоҳи «ТАЛКО-Арена». 2000 тамошобин
Мавқеи дастаҳо дар ҷадвали мусобиқот
Ҷ
ДАСТАҲО
Б
Ғ
М
Б
Т
И
1
«Истиқлол» (Душанбе)
16
11
3
2
40-8
36
2
«Кӯктош» (Рӯдакӣ)
17
9
2
6
30-23
29
3
«Равшан» (Кӯлоб)
17
7
7
3
21-13
28
4
«Эсхата» (Хуҷанд)
17
8
1
8
21-25
25
5
«Файзканд» (Восеъ)
17
6
6
5
24-22
24
6
«Хуҷанд» (Хуҷанд)
17
5
7
5
18-24
22
7
«Ҳосилот» (Фархор)
17
5
4
8
14-20
19
8
КМВА (Душанбе)
16
4
6
6
11-11
18
9
«Хатлон» (Бохтар)
17
5
0
12
10-32
15
10
«Регар-ТадАЗ» (Турсунзода)
17
3
6
8
16-27
15
Нишонзанҳо: Манучеҳр Ҷалилов («Истиқлол») – 9 тӯб, Алишер Ҷалилов («Истиқлол»), Азизбек Султонов («Кӯктош») – 8 -тӯбӣ, Эҳсони Панҷшанбе («Истиқлол»), Шавкати Ҳотам («Файзканд») – 7-тӯбӣ.
Даври 18-ум
17 август (панҷшанбе)
Оғози бозӣ – соати 17:00
«Хуҷанд» – «Истиқлол»
18 август (ҷумъа)
Оғози бозӣ – соати 17:00
«Кӯктош» – «Равшан»
19 август (шанбе)
Оғози бозиҳо – соати 17:00
«Хатлон» – «Регар-ТадАЗ»
КМВА – «Эсхата»
«Файзканд» – «Ҳосилот»
