Солона дар Тоҷикистон бар асари офатҳои табиӣ садҳо хонаи сокинон ва кишту зироаташон хароб мешавад.
Кумитаи ҳолатҳои фавқулодаи Тоҷикистон мегӯяд, аз соли 1997 то соли 2022 дар кишвар беш аз 3600 офати табиӣ сабт шудааст, ки ба ҳисоби миёна дар се рӯз як офат рост меояд.
Ба гуфтаи Кумита, зиёда аз шаст дарсади қаламрави Тоҷикистон минтақаи аз лиҳози офатҳои табиӣ осебпазир дониста шудааст. Дар зимистон афзоиши ғайримуқаррарии барфу борон ва ярчу тарма, дар баҳору тобистон боронҳои шадиду селҳо ва тирамоҳ боронгариҳои тӯлониро соҳибназарон натиҷаи тағйирёбии ҷаҳонии иқлим медонанд.
Радиои Озодӣ дар филми мустанаде сабабҳои афзоиши офатҳои табииро ҷустуҷӯ кардааст, ки тамошо кунед.
