Дар ноҳияи Каттақӯрғони вилояти Самарқанди Узбекистон панҷ узви як хонавода заҳролуд шуда, дар натиҷа се кӯдак ҷон бохт.
Ҳодиса рӯзи 12-уми январ рух додааст. "Кӯдакон - писарчаи 8-сола, духтарчаи 4-сола ва тифли навзод дар маҳалли ҳодиса ҷон бохтаанд. Ташхиси судӣ-тиббӣ нишон дод, ки кӯдакон бар асари заҳролудшавӣ аз дуди ангишт ҷон додаанд", - омадааст дар иттилоияи Идораи ҳолатҳои фавқулодаи Самарқанд.
Вазъи волидон вазнин буда, дар бемористон бистарӣ ҳастанд.
Додситонии Каттақӯрғон таҳқиқи ҳодисаро оғоз кардааст.
