Дар шаҳри Бишкеки Қирғизистон назди биноҳои Федератсияи иттифоқҳои коргарӣ ва порлумон аъзои федератсияи мазкур ҷамъ шуда, зидди раис интихоб шудани Мирбек Асанакунов эътироз карданд.
Коргарон мегӯянд, Асанакунов ғайриқонунӣ дар утоқи корӣ нишастааст, зеро шӯрои федератсия ӯро аз мақом барканор кард. Ширкатдорони эътироз гуфтанд, Асанакунов "дороии федератсияро дар ҳадафҳои шахсии худ харҷ мекунад".
Аъзои федератсия ҳамзамон зидди қабули тарҳи қонун "Дар бораи иттифоқҳои касбӣ" эътироз доранд, ки лоиҳаи мазкур баҳсҳои зиёдеро ба бор овардааст. Рисқул Бобоев, муовини раиси Федератсияи иттифоқҳои коргарӣ гуфт, тарҳи мазкур "иттифоқҳоро маҳв мекунад".
Ҷамъомадагон гуфтанд, чаҳор тан аз ширкатдорони эътироз дар қабулгоҳи раиси федератсия гуруснашинӣ эълом кардаанд.
Мирбек Асанакунов 16 январи соли 2017 раиси Федератсия интихоб шуда буд. То он замон вай аз ҳизби сотсиал-демократии Қирғизистон дар порлумон вакил буд.
