Кэрри Лэм, раҳбари Ҳонгконг, ҳушдор додааст, ки ин қаламрави Чин шоҳиди “як вазъияти хатарнок” аст. Эътирозҳои зиддиҳукуматӣ дар Ҳонгконг даҳ ҳафта боз идома дорад.
Лэм рӯзи 13-уми август дар нишасти хабарӣ хостори оромиш шуд ва дар бораи пешгирӣ аз густариши хушунатҳо таъкид кард. Ӯ гуфт, "як дақиқа вақт ёбед ва ба шаҳри мо, ба хонаи мо нигаред. Оё мо метавонем онро ба дӯзах тела диҳем ва бубинем, ки чӣ гуна пора-пора мешавад?"
Рӯзи 12-уми август дар ҷараёни даргирӣ миёни ҷонибдорони демократия ва пулиси Ҳонгконг даҳҳо нафар маҷруҳ шуданд.
Мухолифон қонуни истирдоди гунаҳкорон ба Чинро намепазиранд ва онро рад мекунанд. Ҳукумати Чин аз ин қонун пуштибонӣ кардааст.
