Фалокат дар ду киштии нафткаш дар Халиҷи Умон
Воқеаи 13-уми июн як моҳ пас аз ҳамла ба чаҳор киштии нафткаши Имороти Муттаҳидаи Араб рӯй дод, ки вазъро миёни Теҳрону Вашингтон ва ҳампаймонони Амрико дар Халиҷи Форс тезу тунд кард.
“Мо аз ҳамлаҳои гузоришшуда ба киштиҳои нафткаш дар Халиҷи Умон огоҳ ҳастем,” -- гуфт намояндаи флоти панҷуми дар Баҳрайн ҷойгиршуда дар як изҳорот.
“Қувваҳои баҳрӣ дар минтақа ду паём гирифтанд, яке дар соати 6:12-и субҳ ба вақти маҳаллӣ ва дигаре соати 7-и субҳ. Киштиҳои баҳрии Амрико дар ин минтақа ҳастанд ва кумак мерасонанд”, -- гуфта шудааст дар изҳорот.
Роҳбарии байналмилалии киштиҳо, ширкате, ки яке аз киштиҳоро идора мекунад - Front Altair - гуфт, таркиш сабаби сӯхтор дар киштиҳо шудааст. Ҳайати ҳарду киштӣ бе хавфу хатар аз киштиҳо бароварда шуданд.