Новости за 21.04.2025

Рӯзи 21-уми апрел зилзила қисмате аз вилояти Хатлонро такон дод. Ба иттилои Маркази идоракунии ҳолатҳои буҳронии Кумитаи ҳолатҳои фавқулода, заминларза соати 11:17 сабт шуд. Манбаъ мегӯяд, маркази заминларза дар 59-километри ноҳияи Кӯшониён буд. “Қувваи заминларза дар марказаш 4 дараҷа ва дар ноҳияи Кӯшониён 2-3 дараҷаро ташкил додааст. Дар натиҷаи заминларза хисорот ва талафоти ҷонӣ ба қайд гирифта нашудааст,” - омадааст дар маълумотномаи расмӣ. Дар як ҳафтаи охир Тоҷикистон шоҳиди чанд заминларзаи сахт шуд. Читать дальше...

Поп Франсис, раҳбари католикҳои ҷаҳон, ки чанде пеш аз бемории роҳҳои нафас наҷот ёфта буд, 21 апрел дар 88-солагӣ даргузашт. Ин зодаи Аргентина аз соли 2013 ва пас аз истеъфои Бенедикти шонздаҳум калисои румии католикро роҳбарӣ мекард ва бо рафтори хоксорона ва дифоъ аз адолати иҷтимоӣ машҳур буд.

Дар соли 2024 дар Русия аз ҳама бештар муҳоҷиронро барои ҳуҷҷатҳои қалбакӣ ҷазо додаанд. Додгоҳи олии Русия дар ин бора ҳафтаи гузашта ҳангоми натиҷагирӣ аз фаъолияти яксолааш гузориш дод. Ба маълумоти додгоҳ, зиёда аз панҷ ҳазор муҳоҷир, ки аксарашон аз кишварҳои шӯравии собиқ ҳастанд, бо иттиҳоми таҳияи санадҳои қалбакӣ ҷазо гирифтанд. Ҳомиёни ҳуқуқ дар гузашта гуфта буданд, ки маҳз низоми фасодзадаи Русия шароитро барои сохтани ҳуҷҷатҳои қалбакӣ фароҳам меорад. Дар умум додгоҳҳои Русия нисбат... Читать дальше...

Димон Ашӯров, машҳур бо номи Давлатбек, яке аз фаъолони ҷамъиятии Вилояти Мухтори Кӯҳистони Бадахшон, аз зиндон озод шудааст. Вай дар соли 2013 ба ташкили иттиҳоди ҷиноӣ, бетартибиҳои оммавӣ, зӯроварӣ ба муқобили намояндаи ҳукумат, фирор ва тақаллуби ҳуҷҷатҳо гунаҳкор ва ба дувоздаҳ сол зиндон маҳкум шуда буд. Пайвандонаш ба бегуноҳии ӯ таъкид мекарданд. Зебо Мамадназарова, модари Димон Ашӯров, рӯзи 21-уми апрел дар суҳбати телефонӣ бо Радиои Озодӣ аз шаҳри Хоруғ раҳоии писарашро тасдиқ кард, аммо тафсилот надод... Читать дальше...

Сурайё Ҳошимӣ, муҳоҷири афғонистонии муқими Тоҷикистон, ду фарзанди маълул дорад. Дар сӯхтори манзили иҷорааш дар ноҳияи Рӯдакӣ ҳуҷҷатҳояшро аз даст дод. Бо вуҷуди фаъол будани сафорати ҳукумати пешини Афғонистон, ӯ барои барқарории аснодаш ба Консулгарии Афғонистон дар Хоруғ муроҷиат кард. Чаро?

Поп Франсиск, раҳбари 266-уми католикҳои ҷаҳон, ки чанде пеш аз бемории роҳҳои нафас наҷот ёфта буд, рӯзи 21-уми апрел дар 88-солагӣ даргузашт.

Поп Франсис, раҳбари 266-уми католикҳои ҷаҳон, ки чанде пеш аз бемории роҳҳои нафас наҷот ёфта буд, рӯзи 21-уми апрел дар 88-солагӣ даргузашт. Ин зодаи Аргентина калисои католикиро аз соли 2013 ва пас аз истеъфои Бенедикти шонздаҳум роҳбарӣ мекард ва бо рафтори хоксорона, дифоъ аз адолати иҷтимоӣ ва талошҳояш барои густариши мудоро машҳур буд. Номи аслияш Хорхе Марио Берголио аст ва пеш ворид шудан ба калисо дар донишгоҳи кимиё хондааст. Ӯ дар соли 1969 ба мақоми кашишӣ ва дар соли 1997 ба мақоми усқуфи аъзами Буэнос Айрес расид. Читать дальше...

Баъди дубора ба қудрат расидани “Толибон”, Тоҷикистон бар хилофи ҳамсояҳои дигари худ дар Осиёи Миёна сафорати Афғонистонро дар Душанбе нигоҳ дошт. Дар баробари ин, Нақибуллоҳ Деҳқонзода, консули генералии Афғонистон дар Хоруғ, эълон кардааст, ки ниҳоди онҳо зери ҳокимияти "Толибон" амал мекунад.

Дастаи мунтахаби наврасони то 17-солаи Узбекистон, ки дар бозии ниҳоӣ тими наврасони Арабистони Саудиро бо ҳисоби 2:0 шикаст дод, бори дуюм ба унвони қаҳрамони Осиё мушарраф шуд.

Варзишгарони тоҷик дар мусобиқоти қаҳрамонии самбои Осиё ва Уқёнусия байни наврасон, навҷавонон, бузургсолон, устодон ва нобиноён, ки рӯзҳо 14-20-уми апрел дар шаҳри Тошканди Узбекистон баргузор шуд, 27 медал (4 тилло, 10 нуқра ва 13 биринҷӣ) ба даст оварданд. Ба иттилои сомонаи расмии Федератсияи байнулмилалии самбо (FIAS), дар мусобиқоти қаҳрамонии Осиё ва Уқёнусия дар Тошканд беш аз 600 варзишгари синну солашон гуногун, аз наврасон то собиқадорон, аз зиёда аз 20 кишвар иштирок карданд. Мусобиқот... Читать дальше...

Қурби доллари амрикоӣ дар баробари асъори миллии сомонӣ ба таври назаррас поён рафтааст. Субҳи 21-уми апрел тибқи қурби расмии Бонки миллии Тоҷикистон, 100 доллари ИМА ба 1071 сомонӣ баробар аст. Се рӯз пеш 100 доллар 1081 сомонӣ арзиш дошт. Қурби доллар дар бонкҳои тиҷоратии Тоҷикистон аз ин ҳам пастар аст. Субҳи имрӯз дар бонкҳои тиҷоратӣ 100 доллари амрикоӣ аз 1045 то 1055 сомонӣ арзиш дорад. Бонки миллии Тоҷикистон ва бонкҳои тиҷоратӣ ҳанӯз сабаби якбора паст шудани қурби доллар дар баробари асъори сомониро шарҳ надодаанд. Читать дальше...

Дар Чин бори аввал насли нави алоқаи 10G роҳандозӣ шуд. Ширкатҳои Ҳуавей ва China Unicom насли нави алоқаи 10G-ро дар вилояти Хэбэй, наздик ба шаҳри Пекин фаъол карданд. Суръати интернет дар насли нав 9834 мегабит дар сония аст. Муҳлати интизорӣ камтар аз як сония гуфта мешавад. Ба ҳолати моҳи январи имсол, дар Чин зиёда аз 4 миллион истгоҳҳои базавии насли 5G фаъол аст. Дар ягон кишвари дунё ин миқдор истгоҳҳои базави насли 5G нест. Чанд сол пеш Хадамоти алоқаи Тоҷикистон хабар дод, ки аз Чин аз Чин истгоҳҳои базавии интернет меорад... Читать дальше...

Рустам Ятимов, дарвозабони тими "Ростов"-и Русия ва мунтахаби Тоҷикистон дар ҷараёни бозӣ бо тими "Факел" ҷароҳат бардоштааст. Рақобат рӯзи 20-уми апрел баргузор шуд. Дар қисми дуюми бозӣ, Рустам Ятимов тӯбро аз ҳаво дошта гирифт, вале ба футболбози дастаи рақиб бархӯрда, бо сараш ба замин зад. Ятимов дар майдони бозӣ аз ҳуш рафт ва танҳо бо кӯмаки пизишкон ба худ омад. Варзишгари тоҷикро ба бемористон бурданд ва дертар телеграм-канали тими "Ростов" навори Рустам Ятимовро нашр кард. Дар ин видео... Читать дальше...