Додгоҳи ноҳияи Кугарчини Бошқирдистон рӯзи 30-уми июн бори чорум муҳлати ҳабси пешакии Фурқат Абдуфаттоев, сокини ҷамоати Ворухи Исфараро як моҳ дароз кард. Абдуфаттоев аз 1-уми феврали соли 2021 боздошт шуда муҳлати ҳабси пешакиаш инак бори чорум дароз карда мешавад. Ӯ бар асоси дархости мақомоти интизомии Қирғизистон дар Русия дар боздошт қарор дорад. Ислом Неъматов бародарзодаи Абдуфаттоев рӯзи 30-уми июн дар суҳбат бо Радиои Озодӣ гуфт, мурофиа имрӯз дар додгоҳи ноҳияи Кугарчини Бошқирдистон... Читать дальше...
"Имон интернешнл" машҳуртарин ташкилоти хурди қарздиҳӣ дар Тоҷикистон, тайи ду даҳа барои кӯмак ба занони соҳибкор сохта шуд. Ба муассисони маҳаллии он аз тарафи Бонки Миллӣ фишор оварда шуд, то ин ниҳодро бархилофи иродаи худ ба як сармоягузори хориҷӣ фурӯшанд.
Владимир Путин, президенти Русия рӯзи 30-уми июн бо мардум гуфтугӯи мустақими телефонӣ кард ва аз онҳо хост, ки ба зидди коронавируси нав ваксина бигиранд. Ин гуфтугӯ ҳар сол сурат мегирад ва имсол гӯиё ба номи Путин 2 миллион суол фиристодаанд. Зимни ин гуфтугӯ ва дигар нишастҳо раиси ҷумҳури Русия ваъдаҳо медиҳад, аммо бисёре аз онҳо иҷро намешаванд. Видеоро инҷо тамшо кунед: Радиои Озодӣ суҳбатҳои ӯро дар солҳои гуногун гирдоварӣ кард, ки гоҳо хилофи ҳам садо додаанд. Ӯ ҳар сол ваъдаҳои гуногун медиҳад. Читать дальше...
Ҷамшед Ҷаҳонгирзода, як корманди 39-солаи Фурудгоҳи байналмилалии Душанбе бо нишонаҳои эҳтимолии бемории коронавирус дар беморхона даргузаштааст. Ӯро панҷ рӯзи пеш бо таби баланд ба Беморхонаи бемориҳои сироятии Душанбе, воқеъ дар маҳалаи Зарафшони Душанбе бистарӣ карда будаанд. Як тан аз ҳамкоронаш дар суҳбат бо Радиои Озодӣ гуфт, ки ташхисҳо дар бадани ӯ бемории КОВИД-19-ро ошкор карда буд, вале сабаби аслии маргашро ҳанӯз намедонанд. “Ӯ панҷ рӯз пеш сари кор буд, ки табаш баланд шуд. Ба беморхона бурданд... Читать дальше...
Кор дар муассисаи коркарди намак аз пахтачинӣ беҳтар будааст.
Натиҷагирии ибтидоӣ аз сафари Президенти Қирғизистон ба Душанбе.
Имрӯз Президенти Русия Владимир Путин дар як суҳбати мустақими телевизионӣ ба солҳои ҳамватанонаш посух дод. Радиои Озодӣ як идда ваъдаҳои Путинро дар ёд овардааст, ки иҷро нашуданд.
Изатулло Қувватбеков, бародари Мавлавӣ Абдуллои Язғуломӣ, ки ду ҳафта пеш бо бародараш боздошт шуда буд, озод шудааст.
Маркази иттилоотӣ - машваратии Департаменти муҳоҷирати хориҷии Вазорати умури хориҷии Қирғизистон барои муҳоҷирон сомонаеро бо нишонии "migrant.kg" роҳандозӣ кардааст. Тавре марказ иттилоъ додааст, сомонаи мазкур бо дастгирии лоиҳаи USAID таҳти унвони "Муҳоҷирати амн дар Осиёи Марказӣ", ки аз сӯи "Winrock International" иҷро мешавад, таъсис дода шудааст. Муаррифии сомона 2 июл дар шаҳри Бишкек баргузор мешавад. Бар асоси иттилои расмӣ, муҳоҷирон метавонанд, ки тавассути ин сомона муайян кунанд... Читать дальше...
Дар шаҳри Нурсултони Қазоқистон дар арафаи тазоҳуроти эҳтимолии 6 июл дасти кам панҷ фаъоли маданиро то 20 шабонарӯз ҳабси маъмурӣ карданд. Додгоҳи пойтахти Қазоқистон 29 июн фаъолон Нурлан Олтинбоев ва Айдар Сиздиковро бо гумони нақзи ташкил ва баргузор кардани ҷамъомадҳои осоишта ҳабс кардааст. Олтинбоев барои эътироз дар назди сафорати ИМА дар шаҳри Нурсултон ва Сиздиков барои бознашри "даъват ба иштирок дар эътирозҳои Алмато, Чимкент ва Нурсултон дар рӯзҳои 12 ва 13 июн" ҳабс шудаанд. Худи Сиздиков худро бегуноҳ дониста... Читать дальше...
Марди 76-сола, ки 39 зан ва 94 фарзанд дошт, дар минтақаи шимолу шарқи Ҳиндустон рӯзи якшанбе даргузашт. Дар ин бора вазири корҳои дохилии аёлати Мизорам, ки ӯ он ҷо мезист, хабар дод.
Ҳавои гарми тобистон барои кишоварзони Хатлон авҷи кор аст ва онҳо бошитоб ҳосили тарбузро ҷамъ мекунанд.
Тоҷикистон барои хариди ваксинаи зидди COVID-19 аз Бонки Осиёии Рушд 25 миллион доллар грант ё кӯмаки бебозгашт мегирад. Дар ин бора Файзиддин Қаҳҳорзода, вазири молияи Тоҷикистон рӯзи 30-уми июн дар Маҷлиси намояндагон хабар дод. Ба гуфтаи вазир, лоиҳа ваксинаи зидди COVID-19 дар умум 26.8 миллион доллар буда, 25 миллиони онро Бонки Осиёии Рушд ва 1.8 миллионашро ҳукумати Тоҷикистон медиҳад. Дар назар аст, ки бо ин маблағ, 3 миллион воя ваксина ва дигар васоили тиббӣ харидорӣ шавад. Хариди ваксинаҳо то соли 2023 дар назар аст. Читать дальше...
Фармондеҳи нерӯҳои амрикоӣ дар Афғонистон аз хатари сар задани ҷанги дохилӣ дар ин кишвар ҳушдор дод. Генерал Скот Миллер ҳамзамон таъкид кард, ки тарафҳои ҷанг дар Афғонистон бояд роҳи ҳалли сиёсиро биҷӯянд ва хушунатро коҳиш диҳанд. Ин генерали амрикоӣ рӯзи сешанбеи 29-уми июн зимни нишасти хабарӣ дар Кобул ба пурсиши хабарнигори Радиои Озодӣ дар бораи чигунагии идомаи ҳамлаҳои ҳавоӣ ба Толибон гуфт, ки агар Толибон мехоҳанд ҳамлаҳои ҳавоӣ бар онҳо сурат нагиранд, бояд амалиётҳояшонро қатъ кунанд. Читать дальше...
Эътилофи байналхалқии федератсияи варзиши сабук қарор қабул кард, ки Чемпионати ҷаҳон оид ба давро дар Минск соли 2022 баргузор накунад. Эътилофи мазкур айни замон дар ҷустуҷӯи шаҳри дигаре барои баргузории ин мусобиқа аст. Федератсияи варзиши сабук хабар дод, ки бо назардошти хатарҳо, аз ҷумла номуайянии муносиботи дипломатӣ ва маҳдудиятҳои сафар ба Белорус чунин тасмим гирифтаанд. Ахиран расонаҳо аз ҳабси се варзишкори дучархароне дар Минск хабар доданд, ки бо айби фарёд задани "шиорҳои эътирозӣ" ҳабси маъмурӣ шудаанд. Читать дальше...
Мурод Душемов, як сокини Туркманистонро барои талаби нишон додани фармони ваксинзании зидди коронавирус 28 доллар ҷарима карданд. Душенов дар интернет навори ба беморхона рафтанашро нашр кард. Вай дар беморхона талош кард, ки фармони вазорати тандурустиро дар бораи ваксиназании иҷборӣ дастрас кунад. Дар беморхона ба вай гуфтанд, ки ҳеч гуна фармоне мавҷуд нест. "Ба мо дастур доданд, ки сокинони куҳансолро ваксина занем", - гуфт як масъули беморхона. Баъди ин баҳс бо масъулони бемористон Душемовро... Читать дальше...
Ба донишҷӯёни донишгоҳҳои Самарқанд ва Андиҷони Узбекистон амр шудааст, ки дар шабакаҳои иҷтимоӣ президенти он кишвар Шавкат Мирзиёевро таъриф ва мухолифони ӯро танқид кунанд. Ба гуфтаи як донишҷӯи донишгоҳи Самарқанд, маъмурияти донишгоҳ рӯйхати матлабу шарҳои танқидиро дар шабакаи иҷтимоии "Facebook" ва саҳифаи "Youtube" таҳия карда, миёни донишҷӯён тақсим кардааст, то алайҳи муаллифони онҳо шарҳ нависанд. Донишҷӯён ва омӯзгорони донишгоҳи Андиҷон низ муваззаф шудаанд, ки дар бораи президент матлабҳои таърифӣ нависанд. Читать дальше...
