Дар пайи нашри филме аз маросими издивоҷи як духтари 9-сола бо марде 22-сола дар Коҳгилуя ва Бойираҳмади Эрон, раиси додгоҳи ин вилоят аз бекор кардани ин ақди никоҳ хабар дод. Масъулони додгоҳ гуфтанд, бар асоси моддаи 50-и қонуни ҳимоят аз хонавода алайҳи мард, наздикони духтар ва марди никоҳкунанда ҷурм эълон шудааст.
Тарабхонаи "Шоми қалъа", воқеъ дар Ҳисор, баъд аз ду рӯзи таркиши зарфи газ, ки боис ба ҷароҳати даҳ нафар шуд, дубора ба фаъолият оғоз кардааст.
Тарабхонаи "Шоми қалъа", воқеъ дар шаҳри Ҳисор, баъд аз ду рӯзи таркиши зарфи газ, ки боис ба ҷароҳати даҳ корманди он шуд, дубора ба фаъолият оғоз кардааст. Мақомоти Вазорати корҳои дохилии Тоҷикистон рӯзи 3-юми сентябр гуфтанд, ки ҳодиса "дар натиҷаи риоя нашудани қоидаҳои бехатарӣ" рух дод". Вале масъулони тарабхона мегӯянд, "қоидаҳои бехатарӣ дар муассиса ҳамеша риоя мешавад ва таркиши газ тасодуфӣ буд".
Партовгоҳи канори мактаби деҳаи Мавҷи ноҳияи Рӯдакӣ ба андозае домани бадбӯи худро васеъ кардааст, ки бӯи ғализи он ҳатто дар даруни синфхонаҳо ба машом мерасад ва ин боиси нигаронии омӯзгорону дигар бошандагони деҳа шудааст.
Меҳрнигори Рустам, овозхони ҷавони тоҷик, соҳиби Green Card (гринкорт)-и Амрико шудааст ва ҳоло дар Иёлоти Муттаҳида қарор дорад. Ӯ рӯзи 3-юми сентябр ба Радиои Озодӣ гуфт, "як умр дар он сӯи Уқёнус монданӣ нест" ва дубора ба кишвар бармегардад.
15 сол пеш, рӯзҳои аввали сентябр, Русия шоҳиди як ҳодисаи бесобиқаи террористӣ шуд. Дар шаҳраки Беслани Осетияи Шимолӣ тундравон 1200 нафарро дар дохили мактабе гаравгон гирифтанд. Бӯҳрон то 3-юми сентябр идома карда, шеваи ҳалли он фоҷеабор буд.
Дар кишвари ҷангзадаи Афғонистон дар феҳристи саргармиҳои насли ҷавон регбӣ як навъи варзиши дигар илова шудааст. Бо вуҷуди онки шароити созгор онҷо барои ин бозӣ вуҷуд надорад, ҳаваси бачаҳо ба он кам нест.
Даъвати тирамоҳии ҷавонон ба артиши Тоҷикистон моҳи октябр оғоз хоҳад шуд. Дар ин бора президент Эмомалӣ Раҳмон рӯзи 3-юми сентябр фармонеро содир кард. Ба иттилои мақомот маърака то охири моҳи ноябри имсол идома мекунад. Ҳар сол дар баҳору тирамоҳ ҷавонони аз 18 то 27-сола ба сафи нерӯҳои мусаллаҳ даъват мешаванд. Аммо ҳамеша дар ҷараёни ин маъракаҳо аз ҷалби маҷбурӣ ё “облава”-и ҷавонон ба артиш гузориш шудааст. Баъзе аз сокинон мегӯянд, мақомоти интизомӣ ҳатто фарзандони онҳоро аз дохили хонаву ҷойи кор ба артиш мебаранд. Читать дальше...
15 сол пеш рӯзҳои аввали сентябр Русия шоҳиди як ҳодисаи бесобиқаи террористӣ шуд. Дар шаҳраки Беслани Осетияи Шимолӣ тундравон 1200 нафарро дар дохили мактабе гаравгон гирифтанд. Бӯҳрон то 3-юми сентябр идома карда, шеваи ҳалли он фоҷеабор буд.
Ҳаракати зиёди мошинҳои борбар аз дохили рустоҳои Харангон дар ноҳияи Варзоб сабаби вайронии роҳҳо ва азоб кашидани мардуми ин маҳал шудааст.
Президенти Эрон Ҳасани Рӯҳонӣ гуфтушунидҳои дуҷонибаро бо Иёлоти Муттаҳида рад кард, гарчанде ки бекор кардани таҳримҳои зидди он имкони гуфтушунидҳои бисёрҷонибаро, аз ҷумла бо онҳое, ки дар соли 2015 созишномаи ҳастаиро имзо кардаанд, фароҳам оварад. Ҳасани Рӯҳонӣ ҳамчунин рӯзи 3-юми сентябр дар нишасти кушодаи порлумон гуфтааст, агар гуфтушунидҳои кунунӣ ҳосили дилхоҳ надиҳад, Эрон омодааст, “рӯзҳои наздик" ӯҳдадориҳои худро дар созишномаи 2015” коҳиш диҳад. "Ҳеҷ гуна қарор дар бораи... Читать дальше...
Дар деҳаи Жани-Пахтаи вилояти Чуйи Қирғизистон рӯзи 29-уми август як духтари 14-сола таваллуд кард. Падари 53-солаи духтар бо гумони таҷовузи фарзандаш боздошт шудааст. Мақомоти умури дохилии он кишвар бо моддаи "таҷовуз" парванда боз кардаанд. "Ҳоло кӯдакро ба оилаи дигар доданд. Баъди анҷоми тафтишот ба рафтори волидон ва табибон баҳои ҳуқуқӣ дода хоҳад шуд", - гуфт Нургул Нусупова, сухангӯи раёсати корҳои дохилии вилояти Чуй. Ба иттилои мақомот, духтари 14-сола фарзанди калонии хонавода аст. Читать дальше...
Вазири рус амр додааст, видеои муҳоҷир таҳқиқ шавад Мақомоти Рӯдакӣ гуфтанд, маҷбурӣ пул намегиранд Айнӣ ашъори динӣ ва афкори панисломӣ доштааст Аз фоҷиаи мудҳиш дар Беслан 15 сол гузашт Регбӣ дар Афғонистон маҳбуб мешавад
Додгоҳи байниноҳиявии шаҳри Нурсултони Қазоқистон рӯзи 2-юми сентбяр ҷаримаи се фаъолеро бекор кард, ки дар рӯзи интихоботи президентии он кишвар боздошт ва ба "ширкат дар гирдиҳамоии ғайриқонунӣ" айбдор шуданд. Ба ин тартиб, додгоҳ дархости фаъолонро қонеъ кард. Алия Избасарова, Айгерим Муҳаммадҷонова ва Жанбота Алжанова шоми 9-уми июн боздошт шуда буданд. Додгоҳ ҳар кадоми онҳоро наздики 130-долларӣ ҷарима карда буд. Фаъолон ба зинаи болоии додгоҳ шикоят бурда, гуфтанд, ки дар гирдиҳамоии ғайриқонунӣ ширкат накардаанд. Читать дальше...
Маросими видоъ бо Валерия (Имон) Порохова, як тарҷумони маъруфи Қуръон ба забони русӣ, рӯзи 4-уми сентябр дар масҷиди марказии Русия воқеъ дар хиёбони "Проспект мира"-и шаҳри Маскав баргузор мешавад. Порохова рӯзи 2-юми сентябр дар Маскав дар 79-солагӣ даргузашт. Ӯро ҳамчун тарҷумони маъруф ва фаъоли ҳуқуқи мусалмонон дар Русия мешинохтанд. Донишмандони улуми Ислом ба тарҷумаҳои Порохова ба забони русӣ баҳои баланд дода, нусхаҳои кори ӯ, аз ҷумла дар қаламрави Иттиҳоди Шӯравӣ борҳо нашр шудааст.... Читать дальше...
Додгоҳи ноҳияи Якуми майи шаҳри Бишкек масҷиди шаҳраки 7-уми шаҳрро ба ҳабс гирифт. Тафтишот таҳқиқ мекунад, ки президенти пешин Алмосбек Отамбоев маблағи сохтмони масҷиди мазкурро аз куҷо пайдо кардааст. Дар ин бора маркази матбуотии Додситонии кулли Қирғизистон хабар дод. Қитъаи замини иборат аз як га ва масҷиди мазкур ба номи "Ширкати илмиву истеҳсолии Форум" сабт шудааст, ки ба президенти пешин Алмосбек Отамбоев марбут аст. Масҷиди шаҳраки 7-ум - "7-апрел шейиттери" - моҳи апрели соли ҷорӣ кушода шуда буд. Читать дальше...
Сокини ноҳияи Ғузори Узбекистон бо гумони куштори бераҳмонаи келин ва набераи 2-солааш боздошт шудааст. Ҷасадҳои пур аз захми корд рӯзи 28-уми август пайдо шуда, гумонбарро низ худи он рӯз дастгир кардаанд. Ба гуфтаи ду манбаъ дар Ғузор, сокини 50-солаи деҳаи "Янгикент" А. А. келини 26-сола -- Р. Э. ва набераашро 28-уми август куштааст ва ҷасади онҳоро дар болопӯше печонда дар хонаи хобашон гузоштааст. Наздикони қурбониён гуфтанд, хушдоман дар пайи як низоъ келинашро ба қатл расондааст. Ҳамсуҳбатони мо мегӯянд... Читать дальше...
Ҳизби ҳокими “Умеди Гурҷистон” вазири умури дохилӣ Гиорги Гахариаро ба унвони номзад ба мақоми нахуствазири нави ин кишвар пешбарӣ кард. Соҳибкори миллиардер Бидзина Иванишвилӣ, ки раиси ҳизб мебошад, рӯзи 3 сентябр дар поёни ҷаласаи яксоатаи шӯрои сиёсӣ аризаи ҳизбро дар бораи пуштибонӣ аз номзадии Гахариа ироа кард. Мамука Бахтадзе рӯзи 2 сентябр расман эълон кард, ки аз мақоми нахуствазирӣ канор меравад. Бахтадзе, ки дар ин мақом як сол кор кард, гуфт, ки вазифаҳои ба дӯши ӯ гузошташударо ҳал кард ва акнун аз мақомаш канор меравад.
Покистон ба собиқ афсари нирӯҳои дарёии Ҳинд, ки ҳодисаи дар ҷосусӣ маҳкум шуданаш боиси як моҷарои калони дипломатӣ миёни ду ҳамсояи ҳастаӣ гардид, иҷоза дод, ки бо консули кишвараш мулоқот кунад. Вазорати хориҷаи Покистон гуфт, рӯзи 2 сентябр ба як дипломати ҳиндӣ иҷоза дод, ки дар Исломобод бо Кулбҳушан Ҷадҳав дар зиндон мулоқот кунад. Амри ташкили чунин мулоқотро моҳи июл Додгоҳи адолати байналмилӣ содир кард. Додгоҳи байналмилалӣ дар ҳукми худ гуфт, ки бар асоси Эъломияи Вена оид ба равобити... Читать дальше...
Тибқи баҳогузории ҳакамон, беҳтарин футболбози моҳи гузашта Алишер Ҷалилов ниммуҳофизатгари дастаи "Истиқлол" дониста шуд
"Хадамоти алоқаи Тоҷикистон ба ҳайси таъйинкунандаи сиёсати арсаи мухобирот ва ҳам соҳиби "Тоҷиктелеком" монеи ворид шудани сармояҳои бахши хусусӣ ва рушди интернет шудааст." Ин хулосаи коршиносони Бонки Ҷаҳонӣ аст, ки дар як гузориши тоза онро баён кардаанд.
Мақомоти ҳифзи қонун дар Русия се фаъоли мухолифонро боздошт карданд, ки аз ин пештар дар намоишҳои эътирозии Маскав иштирок карданд. Ба иттилои матбуот ва ҳам изҳороти фаъолон дар шабакаҳои иҷтимоӣ, рӯзи 2 сентябр Любов Собол, вакили Алексей Навалний, як мунаққиди Кремлин ба идораи полисе дар канори Маскав бурда шуд. Собол боздошту ҳабси эътирозгарони намоиши ғайримуҷози аз ин пешро интиқод карда, мақомоти шаҳри Маскавро дар ин бетартибиҳо гунаҳгор карда буд. Бо вуҷуди он ки мақомот ба раҳпаймоӣ иҷоза надоданд... Читать дальше...
Бар асари таркиши баллони гази моеъ дар тарабхонаи "Шоми Қалъа" дар шаҳри Ҳисор даҳ нафар захмӣ шудаанд. Мақомоти Вазорати умури дохилии Тоҷикистон 3-юми сентябр гуфтанд, ҳодиса ду рӯз пеш "дар натиҷаи риоя накардани қоидаҳои бехатарӣ" рух додааст. Ба иттилои расмӣ, ҳамаи маҷруҳон "коргарони тарабхона буда, дар шифохона бистарӣ шудаанд". Вазъи саломати онҳо "мӯътадил" гуфта мешавад. Таҳқиқи ҳодиса идома дорад. Гузориши видеоии хабарнигорони Радиои Озодӣ аз ҷойи ҳодиса дертар дар сомона нашр мешавад.