Ҳомиёни ҳуқуқ шеваи боздошт ва намоиши таҳқиромези акси дунбаи урёни муҳоҷирони тоҷикро, ки дар марги Сергей Чуев, варзишгари рус гумонбар шудаанд, “намунаи бегонаситезӣ, ҷой доштани шиканҷа ва истифодаи туҳмат дар кори мақомоти ин кишвар” медонанд.
Дар занозанӣ миёни хонандагони мактаб дар шаҳри Кӯлоб чанд нафар захмӣ шудааст. Манобеи Радиои Озодӣ гуфтанд, ки дастикам яке аз хонандагонро дар бемористони вилоятӣ бистарӣ карданд. Таҳқиқи ҳодиса аз тарафи маъмурони милиса идома дорад. Занозанӣ рӯзи 11-уми июн байни баъзе аз хонандагони мактабҳои рақами 5 ва 8-и Кӯлоб рух додааст. Ангезаи задухӯрд маълум нест. Мақомот гуфтанд, танҳо пас аз анҷоми тафтишот маълумот хоҳанд дод. Вале бархе аз шоҳидон гуфтанд, дар занозанӣ гӯиё аз корд истифода шудааст. Читать дальше...
Ду чӯпон дар наздикии ағбаи Яғноб бенишон шуда, теъдоди зиёде аз рамаи мол дар н ҷо нобуд гаштааст. Чӯпон Каримбой Мавлонов дар тамоси телефонӣ ба Радиои Озодӣ гуфт бар асари барфи шадид ва туман рама пароканда шуда, нимаш дар ағбаи “Ғузн” дармонд ва қисми дигараш ба тарафи ағбаи “Яғноб” гузашт. “Дирӯз ҳаво офтобӣ буд, мо фикр кардем, ки аз ағба мегузарему ба тарафи Яғноб меравем, лекин ҳаво тағйир хурда барфи зиёд борид ҳаво ба дараҷе сард аст, мо маҷбур шудем рамаро гузорему поинтар фароем, ҳоло он ду чупон Лутфуллою Охун... Читать дальше...
“Тоҷиксодиротбонк” барои фурӯши 80 дарсади саҳмияҳояш харидор меҷӯяд. Ин миқдор саҳмияҳои бонкро 300 миллион доллар нарх гузоштаанд. Эълони фурӯши саҳмияҳои “Тоҷиксодиротбонк”-ро идораи давлатии масъули ҷалби сармояҳо – “Тоҷинвест” – нашр кард.
Парвандаи ҷиноӣ нисбат ба Иван Голунов, хабарнигори "Медуза", бекор карда шуд ва ӯ аз ҳабси хонагӣ озод мешавад. Дар ин бора рӯзи 11-уми июн Владимир Колоколтсев, вазири корҳои дохилии Русия хабар дод.
Падари Лола Ғуломова, зани 45-солаи тоҷик, аз кушта шудани духтараш дар шаҳри Вашингтони Амрико баъд аз ду рӯзи ҳодиса хабар ёфтааст.
Падари Лола Ғуломова, зани 45-солаи тоҷик, аз кушта шудани духтараш дар шаҳри Вашингтони Амрико баъд аз ду рӯзи ҳодиса хабар ёфтааст. Зариф Ғулом, ҳуқуқдон ва узви Иттиҳоди адибони Тоҷикистон, рӯзи 11-уми июн ба Радиои Озодӣ гуфт, ба далели набуди имкони молӣ, наметавонад, барои видоъ бо духтараш ба Иёлоти Муттаҳида равад. Аз фоҷиа дар хонаводаи Лола Ғуломова ва шавҳари 51-солаи ӯ Ҷейсон Риф рӯзи 8-уми июн рӯзномаи "Вашингтон Пост" хабар дод. Ба навиштаи рӯзнома, зани тоҷикро шавҳараш дар шаҳри Вашингтон куштааст.
Дар як амалиёти нерӯҳои махсуси афғон дар вилояти Бағлон 44 зиндонӣ озод карда шуданд. Хонзод Мазлумёр, фармондори ноҳияи Бағлон, рӯзи 11-уми июн гуфт, дар миёни озодшудагон шаҳрвандон ва низомиёни давлатӣ буданд, ки рӯзи гузашта дар як амалиёти махсус озод карда шуданд. Толибон ҳанӯз дар бораи ҳамла изҳори назар накардаанд. Моҳи гузашта намояндагии Созмони Милали Муттаҳид дар Афғонистон гуфт, ба асирони афғоне, ки аз тарафи гурӯҳи ҷангҷӯён дар зиндон нигоҳ дошта мешуданд, бадрафторӣ ва амалҳои монанд ба шиканҷа шудааст. Читать дальше...
"Кишвари ҳамзабону ҳамфарҳанг”, иборае, ки наздики чаҳор соли ахир дар Тоҷикистон "фаромуш" гашта буд, дубора сари забонҳо шуд. Манзур Эрон аст ва ин дигаргунӣ бархеро шоду қисмеро ношод ва аксариятро ҳайрон кард.
Хабарнигори рус Иван Голунов, бо ҳукми додгоҳ то ду моҳи дигар дар ҳабси хонагӣ мемонад. Хабарнигорро рӯзи 6-уми июн дастгир карданд ва ӯ ба фурӯши маводи мухаддир муттаҳам мешавад. Голунов мегӯяд, мақомот мехоҳанд, ба ин васила аз ӯ барои гузоришҳояш дар бораи фасоду ришвахорӣ ниқор бигиранд.
Дар Маскав ҳабси тоҷикони боздоштшуда то 8-уми август тамдид ёфт, додгоҳ сарнавишти Кабир Кабировро ҳал хоҳад кард, мусоҳиба бо падари Лола Ғуломова, ки дар ИМА ба қатл расид ва матолиби дигар.
Human Rights Watch (Дидбони ҳуқуқи башар) аз Созмони Милали Муттаҳид хостааст, ҳангоми баррасии вазъи ҳуқуқи башар дар Тоҷикистон ба таври махсус ба сарнавишти онҳое таваҷҷуҳ кунад, ки бо далелҳои сиёсӣ маҳкум шудаанд. Ҷаласа моҳи июли имсол дар Женева баргузор хоҳад шуд. Дар муроҷиати Дидбони ҳуқуқи башар аз 11-уми июн гуфта мешавад, аз соли 2014 то кунун беш аз 150 нафар аз фаъолони сиёсиву ҷамъиятӣ, ҳуқуқшиносон, мухолифони сиёсӣ ва дигарон "бар асоси заминаҳои сиёсӣ" ба зиндон маҳкум шудаанд. Читать дальше...
Мақомоти Украина гуфтанд, дар сӯхтори бемористони касалиҳои рӯҳӣ дар шаҳри Одесса 6 нафар ҷон бохтаанд. Сӯхтор рӯзи 10-уми июн дар бинои яктақабаи шифохона рух додааст. Масъулони идораи ҳолатҳои фавқулодаи Украина гуфтанд, панҷ нафари дигарро дар бемористон бистарӣ кардаанд. Бар асоси гузориши хабарнигори Радиои Озодӣ, дар миёни ҳалокшудаҳо як наврас низ ҳаст. Сабаби сӯхтор то ҳол маълум нест. Пулиси Украина гуфт, дар ин бора парвандаи ҷиноӣ боз кардааст. Владимир Зеленский, раиси ҷумҳури Украина... Читать дальше...
"Ali Express" – фурӯшгоҳи бузурги интернетии Чин – ният дорад, ки дар Тоҷикистон дафтари худро боз карда, савдои молҳои ин кишварро густариш диҳад. Ин фурӯшгоҳ ҷузъе аз ширкати бузурги "Alibaba Group-и Чин аст.
Муовини вазири умури дохилии Қазоқистон Марат Кожаев гуфт, "ҳудуди 200 тани онҳо"-еро, ки 9-уми июн дар натиҷаи эътирозҳои ҳукуматӣ дар шаҳри Нурсултон боздошт шуда буданд, ба вилоятҳои Акмолин ва Қарағанда интиқол доданд. Ба гуфтаи Кожаев, ин тасмим ба хотири камии ҷой дар боздоштгоҳҳои пойтахти Қазоқистон гирифта шудааст. Ӯ афзуд, ки боздоштшудаҳо бо қарори додгоҳи Нурсултон ба ҳабс гирифта шуданд, вале нагуфт, ки муҳлати ҷазояшонро дар куҷо адо мекунанд. Бахши қазоқии Радиои Озодӣ чанде пеш хабар дода буд... Читать дальше...
Бародари Ким Чен Ин, роҳбари Куриёи Шимолӣ эҳтимол дорад, ки хабаррасони Раёсати марказии иктишофии Амрико буд. Дар ин бора нашрияи амрикоии The Wall Street Journal бо такя ба манобеи худ иттилоъ медиҳад. Ба навиштаи нашрия, бародари Ким Чен Ин борҳо бо кормандони иктишофии Амрико мулоқот карда, ҳамзамон пеш аз маргаш дар моҳи феврали соли 2017 дар Малайзия ба мулоқоти намояндагони иктишофии Амрико равона буд. Дар ҳамин ҳол, манобеъ дар ҳукумати Амрико мегӯянд, Ким Чен Нам, бародари Ким Чен... Читать дальше...
Лоиҳаи қонун "Дар бораи манъи фаъолияти марбут ба иктишоф ва истихроҷи уран дар Қирғизистон" ба порлумони он кишвар фиристода шуд. Ин лоиҳаро чанд вакили порлумон таҳия кардааст. Лоиҳаи мазкур ба хотири ҳифзи сиҳатии аҳолӣ, ҳуқуқи сокинон ба зиндагӣ, меҳнат ва истироҳати шоиста, таъмини амнияти радиатсионӣ ва муҳитзистӣ, ҳифзи замин, иншоотӣ обӣ, муҳити растаниҳо ва ҳайвоноти Қирғизистон таҳия шудааст. Дар сурати қабули қонун фаъолияти марбут ба корҳои иктишофӣ ва истихроҷи уран дар конҳои он кишвар манъ ва иҷозатномаҳое... Читать дальше...
Сокини вилояти Андиҷон Муяссар Раҳимова мегӯяд, ҳамроҳи се зани дигаре, ки пас аз баргашти президенти Узбекистон Шавкат Мирзиёев аз хонаҳои нави "туҳфашуда" берун карда шуданд, зери фишори мақомот қарор доранд. Хабари ба ҳабси хонагӣ гирифта шудани яке аз ин занон Хуршеда Тиллоеваи 35-соларо ҳамсояҳояш низ тасдиқ карданд. Раҳимова ва Шоиста Бокироваро 10-уми июн ба додситонӣ даъват кардаанд. Ба гуфтаи вай, дар додситонӣ аз онҳо баёнот гирифтаанд. "Ҳозир аз додситонии вилояти Андиҷон омадам. Читать дальше...
Абдусалом Раҳимзода, Нарзулло Маликзода ва Каъбатулло Меликзода муовинони нави раиси Кумитаи андози Тоҷикистон таъйин шуданд. Дар ин бора рӯзи 11-уми июн қарори ҳукумати Тоҷикистон содир шуд. Дар бораи Абдусалом Раҳимзода ва Каъбатулло Меликзода иттилои кофӣ дар даст нест. Вале Нарзулло Маликзода қаблан дар мақоми сардори Раёсати ташкили андозбандии Кумитаи андоз кор кардааст. Ин таъйинот баъди як моҳи мулоқоти раиси ҷумҳури Тоҷикистон бо намояндагони бахшҳои молия, андоз, гумрук ва бонкдории кишвар сурат гирифт. Читать дальше...
Таҳқиқи парвандаи Кабир Кабиров, писари Авазхон Кабиров, молики бозори "Султони Кабир" ба поён расидааст. Кабирови 19-сола ба садамае муттаҳам аст, ки боис ба марги ду нафар шудааст.
Қарор аст президенти Чин Сӣ Ҷинпин сафарашро ба минтақа рӯзи чаҳоршанбе аз Бишкек шурӯъ кунад ва рӯзҳои 14-16-уми июн дар Душанбе бошад. Мақомоти Тоҷикистон мегӯянд, ин сафар хос аст ва мақоми "давлатӣ" дорад.
Раҷаб Тайиб Эрдуғон, раисҷумҳури Туркия авохири ҳафтаи равон ба Душанбе сафар мекунад. Ҳадаф аз сафари оқои Эрдуғон иштирок дар нишасти 5-уми сарони Машварати ҳамкорӣ ва тадбирҳои боварӣ ба Осиё гуфта мешавад. Дафтари Агентии Туркия оид ба ҳамкории байналмилалӣ дар Тоҷикистон дар як хабарномаи кӯтоҳ гуфтааст, сафари Раҷаб Тайиб Эрдуғон рӯзҳои 14-15-уми июн сурат мегирад. Нишасти 5-уми сарони Машварати ҳамкорӣ ва тадбирҳои боварӣ ба Осиё низ рӯзҳои 14-15-уми июн сурат мегирад ва қарор аст, дар он раҳбарони чандин кишвари Осиё ширкат кунанд. Читать дальше...
Дар дорухонаҳои давлатии шаҳри Ишқободи Туркманистон доруи инсулин барои беморони қанд дубора дастрас шуд. Хабарнигори бахши туркмании Радиои Озодӣ дар Ишқобод 10-уми июн хабар дод, ки дар ҳоли ҳозир доруи инсулинро метавон аз дорухонаҳои пойтахт ба андозаи дилхоҳ дарёфт кард. "Имрӯз як шиноси ман барои хоҳари бемораш доруи инсулин харид. Онро бидуни мушкил дарёфт кард. Табиб се дона навишта буд дар дорухона ҳамон се донаро доданд",-афзуд хабарнигор. Тайи чанд ҳафтаи ахир дар Туркманистон доруи инсулин камчин шуда буд. Читать дальше...
Туйгунаалӣ Абдраимов аз мақоми раисии ҳукумати вилояти Чуйи Қирғизистон озод шуд. Муҳаммадқулӣ Абилғозиев, сарвазири Қирғизистон дар ин бора фармон имзо кардааст. Туйгунаалӣ Абдраимов рӯзи 5-уми июн ҳангоми суҳбат бо хабарнигорон дар деҳаи Ороки ноҳияи Сокулук, ки онҷо миёни сокинони маҳаллӣ низоъ бархоста буд, гуфт, ба саволи як хабарнигори зан ба далели писанд нашудани чеҳрааш посух намедиҳад. "Чеҳраи шумо ба ман писанд нест. Шумо чеҳраи номақбуле доред",-гуфт вай. Баъди он танқидҳо нисбати мансабдор афзуда... Читать дальше...
Мақомоти Афғонистон қарори ҳабси собиқ раиси Федератсияи футболи ин кишварро содир карданд, ки дар озори ҷинсии аъзои тими занонаи футболи Афғонистон гумонбар мешавад.
